മോസ്‌കോ : റഷ്യയില്‍ വിമാനം തകര്‍ന്നുവീണ് 15പേര്‍ മരിച്ചു. ടാട്ടര്‍സ്താന്‍ മേഖലയിലാണ് വിമാനം തകര്‍ന്നുവീണത്. അപകട സമയത്ത് 23 യാത്രക്കാരാണ് വിമാനത്തിലുണ്ടായിരുന്നത്. പാരച്യൂട്ട് ജംപര്‍മാരാണ് എല്‍-410 വിമാനത്തിലുണ്ടായിരുന്നതെന്ന് എമര്‍ജന്‍സി സര്‍വിസസ് അറിയിച്ചു. ഏഴുപേരെ രക്ഷപ്പെടുത്തി.
രാവിലെ 9.23 ന് ടാട്ടര്‍സ്താന്‍ പ്രവശ്യയ്ക്ക് മുകളിലൂടെ സഞ്ചരിക്കവെയാണ് എല്‍-410 റഷ്യന്‍ വിമാനം തകര്‍ന്നുവീണത്. രക്ഷപ്പെടുത്തിയ ഏഴുപേരുടെയും നില ഗുരുതരമാണെന്ന് ആരോഗ്യ മന്ത്രാലയം ഇന്റര്‍ഫാക്‌സ് വാര്‍ത്താ ഏജന്‍സിയോട് പറഞ്ഞു. അപകടത്തില്‍പ്പെട്ടത് പാരച്യൂട്ട് ജംപര്‍മാരാണെന്നാണ് വിവരം.
