കോഴിക്കോട്: സിനിമയില് അഭിനയിപ്പിക്കാമെന്ന് വാഗ്ദാനം നല്കി യുവതിയെ കോഴിക്കോട് ഫ്ളാറ്റിലെത്തിച്ച് പീഡിപ്പി്ച സംഭവത്തില് സീരിയല് നടിയെ വീണ്ടും ചോദ്യം ചെയ്യും. കോട്ടയം സ്വദേശിയായ യുവതിയെ കാരപറമ്പിലെ ഒരു ഫ്ളാറ്റില് എത്തിച്ച് ലഹരി കലര്ന്ന ജ്യൂസ് നല്കി പീഡിപ്പിച്ചെന്നാണ് കേസ്. നടി മുന്പ് നല്കിയ മൊഴി വിശ്വസനീയമല്ലെന്ന് പോലീസ് പറഞ്ഞു. ശുചിമുറിയില് ഒളിച്ചില്ലായിരുന്നുവെങ്കില് തന്നേയും അവര് പീഡിപ്പിക്കുമായിരുന്നു എന്നാണ് നടിയുടെ മൊഴി നല്കിയത്. സീരിയല് നടിയുടെ സാമ്പത്തിക ഇടപാടുകളും പോലീസ് പരിശോധിക്കുന്നുണ്ട്.
മാര്ച്ച് നാലാം തിയതിയാണ് കേസിനാസ്പദമായ സംഭവം. കോട്ടയം സ്വദേശിനിയായ യുവതിയെ കാരപ്പറമ്പിലെ ഒരു ഫ്ളാറ്റില് എത്തിച്ച് പീഡിപ്പിച്ചുവെന്നായിരുന്നു പരാതി. സംഭവവുമായി ബന്ധപ്പെട്ട് മലപ്പുറം സ്വദേശികളായ രണ്ട് യുവാക്കളെ പോലീസ് കസ്റ്റഡിയില് എടുക്കുകയും ചെയ്തിരുന്നു. സിനിമയുമായി ബന്ധപ്പെട്ട ചര്ച്ചകള്ക്കെന്ന പേരിലാണ് ഇവരെ കോഴിക്കോടേക്ക് എത്തിക്കുന്നത്. ഫ്ളാറ്റില് എത്തുന്നത് വരെ സീരിയല് നടി ഈ യുവതിയോടൊപ്പം ഉണ്ടായിരുന്നു. പിന്നീട് ഇവരെ അവിടെ നിന്ന് കാണാതാവുകയായിരുന്നെന്നും യുവതി പോലീസിന് മൊഴി നല്കിയിട്ടുണ്ട്.
