റാന്നി: റോഡിന്റെ സംരക്ഷണ ഭിത്തി ഇടിഞ്ഞ് അപകട ഭീഷണിയായതോടെ പ്രദേശവാസികൾ കനത്ത ആശങ്കയിൽ. മാടമൺ കോട്ടൂപ്പാറ റോഡിൽ നിന്ന് പതാലിൽ ഭാഗത്തേക്ക് പോകുന്ന റോഡിന്റെ സംരക്ഷണഭിത്തിയാണ് കഴിഞ്ഞ ദിവസത്തെ ശക്തമായ മഴയിൽ ഭാഗീകമായി ഇടിഞ്ഞത്. 25 വർഷം മുമ്പ് നിർമ്മിച്ച കലുങ്കും സംരക്ഷണ ഭിത്തിയും നാട്ടുകാരുടെ സഹായത്തോടു കൂടി ജനകീയ ആസൂത്രണം വഴിയാണ് നടപ്പിലാക്കിയത്. റോഡിന്റെ മുകളിൽ നിന്നും നോക്കിയാൽ അപകടം ഒളിഞ്ഞിരിക്കുന്നത് പെട്ടന്ന് മനസ്സിലാക്കാൻ സാധിക്കില്ല. രണ്ടു വശവും പൂർണ്ണമായിട്ട് നിലം പൊത്തുന്ന അവസ്ഥയാണ് നിലവിലുള്ളത്. മഴ കനത്തതോടെ പ്രദേശവാസികൾ കടുത്ത ആശങ്കയിലാണ്.എത്രയും പെട്ടെന്ന് ഇതിനൊരു ശാശ്വത പരിഹാരം കാണണം എന്നാണ് നാട്ടുകാരുടെ ആവശ്യം. കാലവർഷം കനത്തതോടെ ഇവിടെ അധിവസിക്കുന്ന 30 ഓളം വരുന്ന കുടുംബങ്ങൾ ദുരിതത്തിലാണ് കഴിയുന്നത്.
പത്തനംതിട്ട മീഡിയയില് പ്രസിദ്ധീകരിക്കുവാനുള്ള വാര്ത്തകള് ആര്ക്കും എവിടെനിന്നും നല്കാം. വാര്ത്തകള് നല്കുവാന് വാട്സാപ്പ് 751045 3033/ 94473 66263 mail – [email protected] എന്നിവ മാത്രം ഉപയോഗിക്കുക. മറ്റുള്ള വാട്സ് ആപ്പ് നമ്പരുകളിലും മെയിലിലും വരുന്നവ സ്വീകരിക്കുന്നതല്ല. വാര്ത്തയോടൊപ്പം ഒരു ചിത്രം ഉണ്ടായിരിക്കണം. ഗൂഗിള് മലയാളത്തില് ടൈപ്പ് ചെയ്ത് വാര്ത്തകള് നല്കണം. വാര്ത്തകള് നല്കുമ്പോള് എല്ലാ നമ്പരുകളിലും മെയിലുകളിലും നല്കാതെ ഒരിടത്തുമാത്രം നല്കുക. ചീഫ് എഡിറ്ററുമായി ബന്ധപ്പെടുവാന് 94473 66263, 85471 98263, 0468 2333033 എന്നീ നമ്പരുകള് ഉപയോഗിക്കുക.
