ബംഗളൂരു : കര്ണാടകയിലെ ഹാവേരിയിലെ ബേഡഗിയില് അച്ഛന് ശാസിച്ചതിന് പത്താം ക്ലാസ് വിദ്യാര്ഥി ജീവനൊടുക്കി. വിവരമറിഞ്ഞെത്തിയ സഹോദരിയും മണിക്കൂറുകള്ക്കുള്ളില് അതേസ്ഥലത്ത് തൂങ്ങി മരിച്ചു. ചന്ദ്രു ചാലവാഡിയുടെ മക്കളായ നാഗരാജ്(16) ഭാഗ്യലക്ഷ്മി(18) എന്നിവരാണ് മരിച്ചത്. സ്ഥിരമായി ക്ലാസില് പോകാത്തതിനും പഠിക്കാത്തതിനും നാഗരാജിനെ കഴിഞ്ഞ ദിവസം അച്ഛന് ശാസിച്ചിരുന്നു.
തുടര്ന്ന് വീട്ടില് ആരുമില്ലാതിരുന്ന സമയത്ത് നാഗരാജ് കിടപ്പുമുറിയിലെ സീലിങ് ഫാനില് തൂങ്ങി മരിക്കുക ആയിരുന്നു. നാഗരാജ് മരിച്ചതിനെ തുടര്ന്ന് മനോവിഷമത്തിലായ ഭാഗ്യലക്ഷ്മി പിന്നീട് നാഗരാജ് ജീവനൊടുക്കിയ അതേ സ്ഥലത്ത്, അതേ സാരി ഉപയോഗിച്ച് തൂങ്ങി മരിക്കുകയായിരുന്നു.
