പ്രമാടം : ഗുരുദേവന്റെ ദർശനങ്ങൾ ശാഖാ അംഗങ്ങളിലേക്ക് എത്തിക്കുക എന്ന ലക്ഷ്യത്തോടെ എസ്.എൻ.ഡി.പി യോഗം 361-ാം പ്രമാടം ശാഖയിൽ സംഘടിപ്പിച്ച വനിതാസംഘം പ്രവർത്തക കൺവെൻഷൻ യൂണിയൻ പ്രസിഡന്റ് കെ. പത്മകുമാർ ഉദ്ഘാടനം ചെയ്തു. ജീവകാരുണ്യ പ്രവർത്തനങ്ങളുടെ ഉദ്ഘാടനം യൂണിയൻ സെക്രട്ടറി ഡി. അനിൽകുമാർ നിർവഹിച്ചു. വൈക്കം മുരളി പഠന ക്ലാസിന് നേതൃത്വം നൽകി. വനിതാസംഘം ശാഖാ രക്ഷാധികാരി കെ.പി.സാവിത്രി അദ്ധ്യക്ഷത വഹിച്ചു.
യോഗം അസിസ്റ്റന്റ് സെക്രട്ടറി ടി.പി. സുന്ദരേശൻ, യൂണിയൻ വൈസ് പ്രസിഡന്റ് സുനിൽ മംഗലത്ത്, വനിതാസംഘം ശാഖാ സെക്രട്ടറി കെ.എസ്.ഓമനക്കുട്ടി, പ്രസിഡന്റ് ശാന്തമ്മ തങ്കപ്പൻ, യൂണിയൻ കൗൺസിലർ പി.കെ.പ്രസന്നകുമാർ, വനിതാസംഘം യൂണിയൻ പ്രസിഡന്റ് സുശീലാ ശശി, സെക്രട്ടറി സരളാ പുരുഷോത്തമൻ, മൈക്രോ ഫിനാൻസ് യൂണിയൻ കോ ഓർഡിനേറ്റർ കെ.ആർ.സലീലനാഥ്, ശാഖാ പ്രസിഡന്റ് കെ.രഞ്ജിത്, സെക്രട്ടറി എം.ടി.സജി, വൈസ് പ്രസിഡന്റ് സി.ആർ.യശോധരൻ, യൂണിയൻ കമ്മിറ്റി അംഗം ഡി.പ്രദീപ് കുമാർ, മുൻ സെക്രട്ടറി പി.കെ.സുരേഷ് കുമാർ, കോന്നി ശാഖാ പ്രസിഡന്റ് സുരേഷ് ചിറ്റിലക്കാട്ട് തുടങ്ങിയവർ പ്രസംഗിച്ചു.
