റാന്നി: കേരള വാട്ടർ അതോറിറ്റി റാന്നി പി എച്ച് സെക്ഷൻ പരിധിയുടെ അടിച്ചിപുഴ ശുദ്ധജല വിതരണ പദ്ധതിയുടെ മാടമൺ കിണറിന് ചുറ്റുമുള്ള മണ്ണ് പ്രളയം മൂലം ഇടിഞ്ഞു താണതു കാരണം പമ്പിംങ് തടസ്സപ്പെട്ടു. ഇടിഞ്ഞുതാണ അത്രയും മണ്ണ് കിണറ്റിലേക്ക് എത്തുകയും ചെയ്തു. കൂടാതെ പമ്പാ നദിയിൽ എക്കലും ചെളിയും കൂടുതലായതിനാൽ കലക്കൽ കൂടിയിരിക്കുന്ന സാഹചര്യത്തിൽ ജലവിതരണം പ്രതിസന്ധിയിലായിരിക്കുകയാണ്. കിണറ്റിനുള്ളിൽ നിറഞ്ഞിരിക്കുന്ന മണലും ചെളിയും നീക്കം ചെയ്ത് കിണർ പൂർവ്വ സ്ഥിതിയിലാക്കി മാത്രമേ പമ്പിംഗ് പുനരാരംഭിക്കുവാൻ സാധിക്കുകയുള്ളൂ. അതിനാല് കുറച്ചു ദിവസത്തേക്ക് പമ്പിംങ് മുടങ്ങുമെന്ന് കേരള വാട്ടർ അതോറിറ്റി റാന്നി പി എച്ച് സെക്ഷൻ അസിസ്റ്റന്റ് എൻജിനീയർ അറിയിച്ചു.
കിണറിന് ചുറ്റുമുള്ള മണ്ണ് ഇടിഞ്ഞു താണു ; ജലവിതരണം പ്രതിസന്ധിയിൽ
RECENT NEWS
Advertisment