റാന്നി : ചിറ്റാർ യുണൈറ്റഡ് ക്രിസ്ത്യൻ ഫെല്ലോഷിപ് (യൂ.സി.എഫ് ) നിർമ്മിച്ച സ്നേഹ ഭവനം കൈമാറി. മാർത്തോമ്മാ സഭ അടൂർ – മാവേലിക്കര ഭദ്രാസനാധിപൻ മാത്യൂസ് മാർ സെറാഫീം എപ്പിസ്കോപ്പ സ്നേഹ ഭവനം കൂദാശ ചെയ്തു. കോന്നി എം.എല്.എ കെ.യൂ. ജെനിഷ് കുമാർ താക്കോൽ കൈമാറി. ചിറ്റാറിലും വയ്യാറ്റുപുഴയിലുമുള്ള വിവിധ ക്രൈസ്തവ സഭാ വിഭാഗങ്ങളിൽപ്പെട്ട 19 ഇടവകളുടെ പൊതുവേദിയാണ് യൂ.സി.എഫ്. 2025 ലെ ഐക്യ ക്രിസ്തുമസ് ആഘോഷത്തിന്റെ ഭാഗമായി ഏറ്റെടുത്ത ഭവന നിർമ്മാണത്തിന് 12 ലക്ഷം രൂപയോളം ചെലവായി.
യൂ.സി.എഫ്. പ്രസിഡന്റ് റവ. റിജോ മാത്യു ജോയി അധ്യക്ഷത വഹിച്ചു. ഗ്രാമ പഞ്ചായത്ത് പ്രസിഡന്റ് ഷൈലജ ബീവി, ജില്ലാ പഞ്ചായത്ത് അംഗം റ്റി. കെ. സജി, റവ.ഷൈജു മോഹൻ ലുക്കോസ്, ഫാ.ജോജി മാത്യു, റവ. ആൻസൻ നെൽസൻ, ഫാ.സുബിൻ, സാബു പീടികയിൽ, സജി കാക്കാട്ടുകുഴിയിൽ, ജോളി റെന്നി, ഫിലിപ്പോസ് , ജിന്റോ സാം വാളിപ്ലാക്കൽ, തോമസ് എബ്രഹാം, ജോർജ് ജേക്കബ് എന്നിവർ ചടങ്ങില് പങ്കെടുത്തു.
