ഭുവനേശ്വര്‍ : ഓണ്‍ലൈന്‍ ക്ലാസിൽ നെറ്റ്‌വര്‍ക്ക് സിഗ്നല്‍ തിരയുന്നതിനിടെ വിദ്യാര്‍ത്ഥിക്ക് ദാരുണാന്ത്യം. ചൊവ്വാഴ്ചയാണ് സംഭവം. റായഗഡ ജില്ലയിലെ പദ്മപൂര്‍ ബ്ലോക്കിന് കീഴിലുള്ള പന്ദ്രഗുഡ ഗ്രാമത്തില്‍ നിന്നുള്ള ആന്ദ്രിയ ജഗരംഗയാണ് മരിച്ചത്.
ഓണ്‍ലൈന്‍ ക്ലാസില്‍ പങ്കെടുക്കാന്‍ തന്റെ മൊബൈല്‍ ഫോണിന് സിഗ്നല്‍ ലഭിക്കാത്തതിനാല്‍ സിഗ്നല്‍ തേടി തന്റെ ഗ്രാമത്തിനടുത്തുള്ള മലമുകളില്‍ കയറുകയായിരുന്നു വിദ്യാര്‍ത്ഥി. ദൗര്‍ഭാഗ്യവശാല്‍ കുട്ടി കാല്‍ വഴുതി താഴേക്ക് വീഴുകയായിരുന്നു. ഗുരുതരാവസ്ഥയില്‍ നാട്ടുകാര്‍ കുട്ടിയെ മെഡിക്കല്‍ ആശുപത്രിയിലേക്ക് മാറ്റുന്നതിനിടെയാണ് മരണം സംഭവിച്ചത്.
