പത്തനംതിട്ട : നഗരസഭ പതിനാറാം വാർഡിലെ എസ്എസ്എൽസി, പ്ലസ് ടു, ഡിഗ്രി കോഴ്സുകളിൽ വിജയികളായ മുഴുവൻ വിദ്യാർത്ഥികളെയും ആദരിച്ചു. മൈലാടുംപാറ ആരോഗ്യകുടുംബ ക്ഷേമ ഉപകേന്ദ്രത്തിൽ വെച്ച് നടന്ന പരിപാടിയിൽ യോഗം വാർഡ് കൗൺസിലറും പത്തനംതിട്ട നഗരസഭ ആരോഗ്യകാര്യ സ്ഥിരം സമിതി അധ്യക്ഷൻ ജെറി അലക്സിന്റെ അധ്യക്ഷതയിൽ.
പത്തനംതിട്ട നഗരസഭ ചെയർമാൻ അഡ്വക്കറ്റ്. ടി. സക്കീർ ഹുസൈൻ ഉദ്ഘാടനം നിർവഹിച്ചു. പത്തനംതിട്ട ജോയിന്റ് ആർ.ടി.ഒ ബി. അജിത്കുമാർ, സി.ഡി.എസ്. ചെയർപേഴ്സൺ മോനി വർഗീസ്, ജനമൈത്രി ബീറ്റ് ഓഫീസർ രാകേഷ് രാജ്, സൂര്യ റസിഡൻസ് അസോസിയേഷൻ രക്ഷാധികാരി എൻ. കെ സോമസുന്ദരൻ, മുൻ കൗൺസിലർ ബിജിമോൾ മാത്യു,എ ഡി എസ് വൈസ് പ്രസിഡന്റ് ഉഷാ ചന്ദ്രൻ എന്നിവർ പ്രസംഗിച്ചു.
സോഷ്യൽ മീഡിയയും കുട്ടികളും എന്ന വിഷയത്തെ ആസ്പദമാക്കി ചൈൽഡ് ലൈൻ ടീം മെമ്പർ ജോയൽ വർഗീസ് ജോൺസണും കുടുംബശ്രീ കമ്മ്യൂണിറ്റി കൗൺസിലർ ശ്രീമതി രാജു. ആർ.നായർ കളിക്കളം എന്ന പേരിലും ക്ലാസ്സുകൾ നടത്തപ്പെട്ടു. അതോടൊപ്പം വിജിലൻസ് ഗ്രൂപ്പിന്റെ വാർഡ് തല പ്രവർത്തനങ്ങളെ പറ്റിയും വിശദീകരണം നൽകി.
