ഡെറാഡൂൺ : ഉത്തരാഖണ്ഡ് നിയമസഭയിൽ ഇന്ന് ഏകീകൃത സിവിൽകോഡ് ബിൽ അവതരിപ്പിക്കും. മുഖ്യമന്ത്രി പുഷ്കർ സിംഗ് ധാമിയാണ് കഴിഞ്ഞദിവസം വാർത്താസമ്മേളനത്തിൽ ബിൽ അവതരിപ്പുമെന്ന് അറിയിച്ചത്. കരട് ബില്ലിന് കഴിഞ്ഞ ദിവസം സംസ്ഥാന കാബിനറ്റ് അംഗീകാരം നൽകിയിരുന്നു. പ്രത്യേകം വിളിച്ചുചേർത്ത നിയമസഭാ സമ്മേളനത്തിന്റെ രണ്ടാം നാളായ ഇന്ന് ബിൽ സഭയിൽ അവതരിപ്പിക്കും.
നമ്മൾ എല്ലാവരും കാത്തിരുന്ന നിമിഷത്തിലേക്ക് അടുക്കുകയാണ്. ഏകീകൃത സിവിൽ നിയമങ്ങൾ നടപ്പിലാക്കാനുള്ള ബിൽ നാളെ ഉത്തരാഖണ്ഡ് നിയമസഭയിൽ അവതരിപ്പിക്കും. രാജ്യം മുഴുവൻ ഉത്തരാഖണ്ഡിലേക്ക് ഉറ്റുനോക്കുകയാണ്. എല്ലാ നിയമസഭ അംഗങ്ങളും ഇതുമായി ബന്ധപ്പെട്ട ചർച്ചകളിൽ പങ്കെടുക്കണം. കഴിഞ്ഞ ദിവസം വിളിച്ചുചേർത്ത വാർത്താ സമ്മേളനത്തിൽ പുഷ്കർസിഗ് ധാമി ആവശ്യപ്പെടുകയും ചെയ്തു.
