മുണ്ടക്കയം: ഇന്ന് വൈകീട്ട് മുതൽ ജില്ലയുടെ കിഴക്കൻ മേഖലകളിൽ ഒറ്റപ്പെട്ട കനത്ത മഴയാണ് റിപ്പോർട്ട് ചെയ്യപ്പെടുന്നത്. അതിശക്തമായ മഴയ്ക്ക് സാധ്യത കണക്കിലെടുത്തു കോട്ടയം ജില്ലയിൽ കേന്ദ്ര കാലാവസ്ഥാ വകുപ്പ് ഓറഞ്ച് അലേർട്ട് പ്രഖ്യാപിച്ചിട്ടുണ്ട്. ജില്ലയുടെ കിഴക്കൻ മേഖലകളായ മുണ്ടക്കയം, കൂട്ടിക്കൽ, എരുമേലി, കോരുത്തോട് മേഖലകളിൽ ശക്തമായ മഴയാണ് പെയ്യുന്നത്. കിഴക്കൻ മേഖലകളിൽ മഴ കനത്തതോടെ മണിമലയാറ്റിൽ ജലനിരപ്പ് ഉയർന്നു. താഴ്ന്ന പ്രദേശങ്ങളിൽ താമസിക്കുന്നവർ ജാഗ്രത പുലർത്തണം.
