തിരുവനന്തപുരം : തെങ്ങിന് മുകളില് കയറി യുവാവ് ആത്മഹത്യാ ഭീഷണി മുഴക്കി. കരാര് ഏറ്റെടുത്ത് വീടുപണി പൂര്ത്തിയാക്കിയിട്ടും ഉടമ തുക നല്കുന്നില്ലെന്ന് ആരോപിച്ച് പാലിയോട് സ്വദേശി സുരേഷാണ് ആത്മഹത്യാ ഭീഷണി മുഴക്കിയത്. ചെങ്കല് സ്വദേശി വിജയന് എന്നയാളുടെ വീട് പണി കരാറിനെടുത്ത് നിര്മാണം പൂര്ത്തിയാക്കിയെന്നാണ് സുരേഷ് പറയുന്നത്.
ഈ വകയില് നാലര ലക്ഷം രൂപ വിജയന് സുരേഷിന് നല്കാനുണ്ട്. ഈ പണം ആവശ്യപ്പെട്ടാണ് സുരേഷ് ആത്മഹത്യാ ഭീഷണി മുഴക്കിയിരിക്കുന്നത്. വിജയന്റെ വീടിന്റെ മുന്നിലുള്ള തെങ്ങില് കയറിയാണ് ആത്മഹത്യാ ഭീഷണി മുഴക്കിയത്. നല്കാനുള്ള തുക അക്കൗണ്ടില് ഇട്ടാല് മാത്രമേ തെങ്ങിന്റെ മുകളില്നിന്ന് ഇറങ്ങുകയുള്ളൂ എന്നായിരുന്നു സുരേഷിന്റെ നിലപാട്. രാവിലെ 9.30-ഓടെയാണ് സുരേഷ് തെങ്ങിന് മുകളില് കയറി ആത്മഹത്യാ ഭീഷണി മുഴക്കിയത്. പോലീസും അഗ്നിരക്ഷാ സേനയും സ്ഥലത്തെത്തി. എന്നാല് സുരേഷിന്റെ ആരോപണം വിജയന് നിഷേധിച്ചു.