പത്തനംതിട്ട : യുവാവിനെ കൊലപ്പെടുത്തിയ നിലയില് കണ്ടെത്തി. കുലശേഖരപതി സ്വദേശി റഹ്മത്തുള്ള(42) ആണ് മരിച്ചതെന്ന് തിരിച്ചറിഞ്ഞു. കുലശേഖരപതി അറബിക് കോളേജിലേക്ക് പോകുന്ന വഴിയിലുള്ള സ്വകാര്യ വ്യക്തിയുടെ ഷെഡിനുള്ളിൽ ഇന്ന് വൈകുന്നേരം അഞ്ചു മണിയോടെയാണ് മൃതദേഹം കണ്ടെത്തിയത്. കഴുത്തിലും തലയിലുമായി മാരകമായ മുറിവേറ്റതാണ് മരണകാരണമെന്നാണ് പോലീസ് പ്രാഥമിക നിഗമനം. സംഭവവുമായ ബന്ധപ്പെട്ട് മരിച്ചയാളുടെ സുഹൃത്തുക്കളായ മധു, ഷിഹാബ് എന്നിവരെ പോലീസ് കസ്റ്റഡിയിലെടുത്തു. പത്തനംതിട്ട പോലീസ് അസ്വഭാവിക മരണത്തിന് കേസെടുത്തു.
