വിതുര : ടൗണില്‍ വ്യാപാരസ്ഥാപനങ്ങള്‍ കുത്തിത്തുറന്ന് മോഷണം നടത്തിയ കല്ലാര്‍ തോട്ടരികത്ത് വീട്ടില്‍ കിഷോര്‍(36)നെ വിതുര പോലീസ് പിടികൂടി. 10000 രൂപ വിതുര ജങ്ഷനിലുള്ള ലീല ഹാര്‍ഡ്വെയര്‍ എന്ന സ്ഥാപനത്തില്‍ നിന്നും 20000 രൂപ താവക്കല്‍ ഹാര്‍ഡ്വെയര്‍ എന്ന കമ്പനിയില്‍ നിന്നും ഇയാള്‍ മോഷ്ടിക്കുകയായിരുന്നു. സിസിടിവി ദൃശ്യങ്ങളില്‍ നിന്നും പ്രതിയെ തിരിച്ചറിയുകയായിരുന്നു. എന്നാല്‍ ഇയാള്‍ ഫോണ്‍ ഓഫാക്കിവെച്ചതിനെ തുടര്‍ന്ന് പ്രതിയെ കണ്ടുപിടിക്കാന്‍ ബുദ്ധിമുട്ടായിരുന്നു. എന്നാല്‍ ഇയാള്‍ ഫോണ്‍ ഓണാക്കിയതിനെ തുടര്‍ന്ന് ടവര്‍ ലൊക്കേഷന്‍ കേന്ദ്രീകരിച്ച്‌ നടത്തിയ അന്വേഷണത്തിലാണ് ഇയാളെ പിടികൂടുന്നത്.
