കോന്നി : വകയാറിൽ കുരിശടിയിൽ മോഷണ ശ്രമത്തിന് ഇടയിൽ രണ്ട് തിരുവനന്തപുരം സ്വദേശികളായ രണ്ട് പേരെ നാട്ടുകാർ പിടികൂടി പോലീസിൽ ഏൽപ്പിച്ചു. തിരുവനന്തപുരം വാമനപുരം സ്വദേശി ബാഹുലേയൻ(65), വെഞ്ഞാറമൂട് സ്വദേശി ബിജു (33) എന്നിവരെയാണ് നാട്ടുകാർ പിടികൂടി കോന്നി പോലീസിന് കൈമാറിയത്. കഴിഞ്ഞ പുലർച്ചെ മൂന്ന് മണിയോടെ ആണ് സംഭവം.
വകയാർ സെന്റ് മേരീസ് ഓർത്തഡോക്സ് പള്ളിയുടെ കുരിശടിയിൽ ആണ് മോഷണ ശ്രമം നടന്നത്. ശബ്ദം കേട്ട് ഓടികൂടിയ നാട്ടുകാർ പ്രതികളെ പിടികൂടുകയായിരുന്നു. കേസിലെ പ്രതികളിൽ ഒരാളായ ബിജു വിന് എതിരെ കൊലപാതക കേസും നിരവധി മോഷണ കേസുകളും നിലവിലുണ്ട്. പ്രതികളെ കോടതിയിൽ ഹാജരാക്കി റിമാൻഡ് ചെയ്തു.
