വടകര: അഴിയൂരില് ഡോക്ടറുടെ വീട്ടില് മോഷണം. ഡോക്ടര് എ ജയ്ക്കര് പ്രഭുവിന്റെ വീട്ടിലാണ് മോഷണം നടന്നത്. 22 പവന് സ്വര്ണവും പണവും നഷ്ടമായിട്ടുണ്ട്. പുലര്ച്ചെ മോഷണം നടന്നത്. വീടിന്റെ മുന്വശത്തെ വാതില് തുറന്നാണ് മോഷ്ടാവ് അകത്ത് കടന്നത്. സി.സി ടി.വിയില് ഒരാളുടെ ദൃശ്യം മാത്രമാണ് ലഭിച്ചത്. ചോമ്പാല പോലീസില് അറിയിച്ചതോടെ സി.ഐ ശിവന് ചോടോത്തിന്റെ നേതൃത്വത്തിലുള്ള സംഘം സ്ഥലത്ത് വീട്ടിലെത്തി. ഫിംഗര് പ്രിന്റ് , ഡോഗ് സ്കോഡും പരിശോധനയ്ക്കെത്തിയിരുന്നു.
വീടിനകത്ത് കടന്ന മോഷ്ടാവ് അലമാര തുറന്ന് സ്വര്ണവും പണവും കവര്ന്ന ശേഷം 4.25 ഓടെ പുറത്തേക്ക് പോയി. പോകുന്നതിനിടയില് അടുക്കളയില് നിന്ന് മുളക് പൊടിയെടുത്ത് ഗേറ്റ് വരെ വിതറിയിട്ടുണ്ട്. രാവിലെയാണ് വീട്ടുകാര് മോഷണ വിവരം അറിയുന്നത്. സംഭവത്തില് പോലീസ് അന്വേഷണം നടക്കുകയാണ്.
