ഡല്ഹി: ലോക്സഭയില് നിന്ന് അയോഗ്യനാക്കപ്പെട്ടതിന് ശേഷം പ്രതികരണവുമായി കോണ്ഗ്രസ് നേതാവ് രാഹുല് ഗാന്ധി. ‘ഇന്ത്യയുടെ ശബ്ദത്തിനായാണ് ഞാന് പോരാടുന്നത്, അതിന് എന്തു വില നല്കാനും തയാര്’ -രാഹുല് ട്വീറ്റില് പറഞ്ഞു. സൂറത്ത് കോടതി തടവുശിക്ഷ വിധിച്ചതിന് പിന്നാലെ കോണ്ഗ്രസ് നേതാവ് രാഹുല് ഗാന്ധിയുടെ ലോക്സഭ അംഗത്വം റദ്ദാക്കിയത്. അതേസമയം കോണ്ഗ്രസ് നേതാവ് രാഹുല്ഗാന്ധിയുടെ പാര്ലമെന്റ് അംഗത്വം റദ്ദാക്കിയതോടെ വയനാട് ഉപതിരഞ്ഞെടുപ്പ് ഉണ്ടായേക്കും. വയനാട് ലോക്സഭാ മണ്ഡലത്തിലെ ഉപതെരഞ്ഞെടുപ്പിന്റെ ഷെഡ്യൂള് ഏപ്രിലില് പ്രഖ്യാപിച്ചേക്കുമെന്നാണ് തിരഞ്ഞെടുപ്പ് കമ്മീഷന് വൃത്തങ്ങളില് നിന്നുളള സൂചന.
രാഹുല്ഗാന്ധിയെ എംപിസ്ഥാനത്ത് നിന്ന് അയോഗ്യനാക്കിയതിലൂടെ നിശബ്ദരാക്കാനോ ഭയപ്പെടുത്താനോ കഴിയില്ലെന്ന് കോണ്ഗ്രസ് വ്യക്തമാക്കി. നിയമപരമായും രാഷ്ട്രീയമായും നേരിടുമെന്ന് കോണ്ഗ്രസ് നേതാവ് ജയറാം രമേശ് വ്യക്തമാക്കി. അയോഗ്യനാക്കാനുള്ള തീരുമാനത്തിന്റെ വേഗം ഞെട്ടിക്കുന്നതെന്ന് ശശി തരൂര് എപി പ്രതികരിച്ചു. ജനാധിപത്യവിരുദ്ധ തീരുമാനമെന്ന് കെ.സി.വേണുഗോപാല് പറഞ്ഞു.
