ചങ്ങനാശേരി: ആരാധനാലയങ്ങളുടെ കാണിക്കവഞ്ചികളില്നിന്നും പണം അപഹരിക്കുന്ന കുപ്രസിദ്ധ മോഷ്ടാവ് അറസ്റ്റില്. തിരുവല്ല മംഗലശേരി കടവ് കോളനിയില് മണിയനെ(55)യാണ് അറസ്റ്റ് ചെയ്തത്. ചങ്ങനാശേരി പോലീസ് ആണ് ഇയാളെ പിടികൂടിയത്. കഴിഞ്ഞ ദിവസം രാത്രിയാണ് ഇയാള് പിടിയിലായത്. ചങ്ങനാശേരി കെഎസ്ആര്ടിസി സ്റ്റാന്ഡിന്റെ ഭാഗത്തുനിന്നും പോലീസ് സംഘത്തെ കണ്ട് ഓടി രക്ഷപ്പെടാന് ശ്രമിച്ചതിനെത്തുടര്ന്ന് പോലീസ് പിന്തുടര്ന്ന് പിടികൂടുകയായിരുന്നു.
ജില്ലയില് ഉത്സവ സീസണ് തുടങ്ങിയതിനാല് രാത്രികാല പരിശോധന കര്ശനമാക്കാന് ജില്ലാ പോലീസ് ചീഫ് കെ. കാര്ത്തിക് എല്ലാ സ്റ്റേഷനുകള്ക്കും കര്ശന നിര്ദ്ദേശം നല്കിയിരുന്നു. ഇതേത്തുടര്ന്നുള്ള പരിശോധനയിലാണ് മണിയന് പോലീസിന്റെ പിടിയിലായത്. ഇയാളുടെ പക്കല്നിന്നും മോഷണത്തിന് ഉപയോഗിക്കുന്ന ആയുധങ്ങളും പണവും പോലീസ് കണ്ടെടുത്തു.
