ജ​ന​ൽ പൊ​ളി​ച്ച് പ​ള്ളി​യി​ൽ മോ​ഷ​ണം ; മ​ണി​ക്കൂ​റി​നു​ള്ളി​ൽ പ്രതിയെ പി​ടി​കൂ​ടി

കാ​ളി​കാ​വ്: ജ​ന​ൽ പൊ​ളി​ച്ച് പ​ള്ളി​യി​ൽ മോ​ഷ​ണം ന​ട​ത്തി​യ പ്ര​തി മ​ണി​ക്കൂ​റി​നു​ള്ളി​ൽ പി​ടി​യി​ൽ. അ​സം സ്വ​ദേ​ശി ന​ഗാ​വു ജി​ല്ല​ക്കാ​ര​ൻ മ​ൻ​ജി​ൽ ഇ​സ്​​ലാം (27) ആ​ണ് പി​ടി​യി​ലാ​യ​ത്. വി​വ​രം അ​റി​ഞ്ഞെ​ത്തി​യ കാ​ളി​കാ​വ് പോ​ലീ​സാണ് മോ​ഷ്ടാ​വി​നെ പി​ടി​കൂ​ടി​യ​ത്. വ്യാ​ഴാ​ഴ്ച പു​ല​ർ​ച്ചെ കാ​ളി​കാ​വ് വെ​ന്തോ​ട​ൻ​പ​ടി മ​സ്ജി​ദി​ലാണ് നേ​ർ​ച്ച​പ്പെ​ട്ടി കു​ത്തി​ത്തു​റന്ന് മോ​ഷ​ണം നടത്തിയത്. ര​ണ്ടാ​യി​ര​ത്തോ​ളം രൂ​പ​യാ​ണ് മോ​ഷ​ണം പോ​യ​ത്. ന​ഷ്ട​പ്പെ​ട്ട തു​ക പ്ര​തി​യി​ൽ​നി​ന്ന് ക​ണ്ടെ​ടു​ത്തു. രാ​ത്രി ഒ​മ്പ​തി​ന് പ​ള്ളി പൂ​ട്ടി​പ്പോ​യ ശേ​ഷ​മാ​യി​രു​ന്നു മോ​ഷ​ണം നടത്തിയത്. പ​ള്ളി​യു​ടെ പ​ടി​ഞ്ഞാ​റ് ഭാ​ഗ​ത്ത് ഗ്ലാ​സി​ട്ട ചെ​റി​യ ജ​ന​ൽ പൊ​ളി​ച്ചാ​ണ് മോ​ഷ്ടാ​വ് അ​ക​ത്തു​ക​യ​റി​യ​ത്. പ്ര​ഭാ​ത ന​മ​സ്കാ​ര​ത്തി​നെ​ത്തി​യ ഇ​മാ​മാ​ണ് മോ​ഷ​ണം ന​ട​ന്ന​താ​യി ക​ണ്ട​ത്. ഉ​ട​നെ കാ​ളി​കാ​വ് പോ​ലീ​സി​നെ വിവരമറിയിക്കുകയായിരുന്നു.

രാ​ത്രി പ​രി​ശോ​ധ​ന​യാ​ണ് മോ​ഷ്ടാ​വി​നെ പി​ടി​കൂ​ടാ​ൻ പോ​ലീ​സി​ന് സ​ഹാ​യ​ക​മാ​യ​ത്. ബു​ധ​നാ​ഴ്ച രാ​ത്രി ഇ​തേ പോ​ലീ​സ് സം​ഘം പ​രി​ശോ​ധ​ന​ക്കി​ടെ സം​ശ​യാ​സ്പ​ദ​മാ​യി ക​ണ്ട മ​ർ​ജി​ൽ ഇ​സ്‍ലാ​മി​നെ ചോ​ദ്യം​ചെ​യ്ത് വി​ട്ട​യ​ച്ചി​രു​ന്നു. അ​സ​മി​ൽ​നി​ന്ന് വ​രു​ന്നെ​ന്നും ഷൊ​ർ​ണൂ​രി​ൽ ​ട്രെ​യി​ൻ ഇ​റ​ങ്ങി വ​രു​ക​യാ​ണെ​ന്നും പൂ​ങ്ങോ​ടു​ള്ള കോ​ഴി​ഫാ​മി​ൽ ജോ​ലി ചെ​യ്യു​ന്ന​യാ​ളാ​ണെ​ന്നും പ​റ​ഞ്ഞ​തി​ന്‍റെ അ​ടി​സ്ഥാ​ന​ത്തി​ലാ​ണ് പൊ​ലീ​സ് അ​യാ​ളെ വി​ട്ട​ത്. മോ​ഷ​ണം ന​ട​ന്ന​ത​റി​ഞ്ഞെ​ത്തി​യ പോ​ലീ​സ് സം​ഘ​ത്തി​ന് രാ​ത്രി വി​ട്ട​യ​ച്ച​യാ​ളെ സം​ശ​യ​മു​ണ്ടാ​യി. തു​ട​ർ​ന്ന് പ്ര​ദേ​ശ​ത്തെ പ​ത്തോ​ളം കോ​ഴി​ഫാ​മു​ക​ളി​ൽ പ​രി​ശോ​ധ​ന ന​ട​ത്തി. എ​വി​ടെ​യും ഇ​ങ്ങ​നെ ഒ​രാ​ൾ എ​ത്തി​യി​ട്ടി​ല്ലെന്ന് മനസിലായതോടെ പി​ന്നീ​ടു​ള്ള അ​ന്വേ​ഷ​ണം ഇ​യാ​ളെ തേ​ടി​യാ​യി. തു​ട​ർ​ന്ന് കാ​ളി​കാ​വ് പു​റ്റ​മ​ണ്ണ​യി​ലെ ക​ട​വ​രാ​ന്ത​യി​ൽ ആ​ൾ​ക്കൂ​ട്ട​ത്തി​ൽ പ്ര​തി നി​ൽ​ക്കു​ന്ന​താ​യി പൊ​ലീ​സി​ന്‍റെ ശ്ര​ദ്ധ​യി​ൽ​പെ​ട്ടു. തു​ട​ർ​ന്ന് ന​ട​ന്ന ചോ​ദ്യം​ചെ​യ്യ​ലി​ലാ​ണ് മോ​ഷ​ണം ന​ട​ത്തി​യ​ത് പ്ര​തി സ​മ്മ​തി​ച്ച​ത്.