അരൂര്‍: നിര്‍ത്തിയിടുന്ന വാഹനങ്ങളില്‍ നിന്നും ബാറ്ററി മോഷ്ടിക്കുന്ന പ്രതി പോലീസ് പിടിയില്‍. പള്ളിപ്പുറം കറുകവിളി വീട്ടില്‍ സന്തോഷിനെ (53) അരൂര്‍ എസ്.ഐ ഹെറാള്‍ഡ് ജോര്‍ജും സംഘവും ചേര്‍ന്നാണ് അറസ്റ്റ് ചെയ്തത്. ഇയാളില്‍ നിന്നും രണ്ടു ബാറ്ററി കണ്ടെടുത്തു. ചന്തിരൂരിലെ ഊരാളുങ്കല്‍ കണ്‍സ്ട്രക്ഷന്‍ കമ്ബനിയുടെ മുന്നില്‍ നിര്‍ത്തിയിട്ട കോണ്‍ക്രീറ്റ് മിക്സര്‍ വാഹനത്തില്‍നിന്നാണ് പ്രതി ബാറ്ററി മോഷ്ടിച്ചത്. സി.സി ടി.വി ദൃശ്യങ്ങള്‍ കേന്ദ്രീകരിച്ച്‌ നടത്തിയ പരിശോധനയിലാണ് പ്രതി കുടുങ്ങിയത്. ഇടക്കൊച്ചി സ്വദേശിയായ സന്തോഷ് കുറച്ചുകാലമായി ചേര്‍ത്തല പള്ളിപ്പുറത്താണ് താമസിക്കുന്നത്.
