കോന്നി : തേക്കുതോട് സര്വ്വീസ് സഹകരണ ബാങ്ക് തിരഞ്ഞെടുപ്പ് യു ഡി എഫ് ബഹിഷ്കരിച്ചു. തേക്കുതോട് സര്വ്വീസ് സഹകരണ ബാങ്ക് പി റ്റി 48ലെ ഭരണസമിതി തെരഞ്ഞെടുപ്പ് ചട്ടങ്ങള്ക്ക് വിരുദ്ധമായി പ്രവര്ത്തിച്ചതാണ് യുഡിഎഫിനെ പ്രകോപനമായത്. എല് ഡി എഫ് പ്രവര്ത്തകര് വോട്ടര്മാരെ എത്തിച്ച് തിരഞ്ഞെടുപ്പില് വ്യാപകമായ ക്രമക്കേടുകള് നടത്തിയെന്നും യുഡിഎഫ് ആരോപിച്ചു.
എല് ഡി എഫ് ഭരണത്തില് കാലങ്ങളായി ഇരിക്കുന്ന സംഘത്തില് അംഗത്വം പോലും നല്കാതെ ഏകപക്ഷീയമായി ഭരണം നടത്തിയ ഇടതുപക്ഷ പ്രവര്ത്തകര് ക്രമസമാധാന നില തകര്ക്കാന് ശ്രമിക്കുകയായിരുന്നു. സംഭവത്തില് കോണ്ഗ്രസ് തണ്ണിത്തോട് മണ്ഡലം കോണ്ഗ്രസ് കമ്മറ്റി ശക്തമായ പ്രതിഷേധം അറിയിച്ചു. തെരഞ്ഞെടുപ്പ് ക്രമക്കേട് നടക്കുമ്പോള് റിട്ടേണിംഗ് ഓഫീസറും ഉദ്യോഗസ്ഥരും എല് ഡി എഫിന് അനുകൂലമായ നിലപാടാണ് സ്വീകരിച്ചത്. ഈ വിഷയം നിയമപരമായി നേരിടുവാനും യു ഡി എഫ് യോഗം തീരുമാനിച്ചു.
