കോന്നി : തേക്കുതോട് മൂര്‍ത്തിമണ്ണില്‍ കാട്ടാനക്കൂട്ടത്തിന്റെ ആക്രമണത്തില്‍ വ്യാപക നാശനഷ്ടം. ആള്‍ത്താമസമില്ലാത്ത രണ്ട് വീടുകള്‍, റബ്ബര്‍ ഷീറ്റടിക്കുന്ന പുര, കാര്‍ഷീക വിളകള്‍ തുടങ്ങിയവ ആനക്കൂട്ടം നശിപ്പിച്ചു. താഴത്തേതില്‍ വീട്ടില്‍ രാജമ്മ നാരായണന്റെ വീട്, റബ്ബര്‍ ഷീറ്റടിക്കുന്ന പുര, 19 മൂട് തെങ്ങ്, 24 മൂട് കവുങ്ങ് തുടങ്ങിയവ നശിപ്പിച്ചവയില്‍പ്പെടുന്നു. കുഴിവിള മേലേതില്‍ കൃഷ്ണന്റെ വീട്ടിലേക്കുള്ള ഇലക്ട്രിക് പോസ്റ്റിലേക്കും ആനക്കൂട്ടം കവുങ്ങ് മറിച്ചിട്ടു. വനപാലകര്‍ സ്ഥലം സന്ദര്‍ശിച്ചു.
