മുംബൈ : ബി.ജെ.പി. എം.പി. ആയതിനാല് തനിക്കെതിരെ എന്ഫോഴ്സ്മെന്റ് ഡയറക്ടറേറ്റ് അന്വേഷണം ഉണ്ടാവില്ലെന്ന വിവാദ പരാമര്ശവുമായി മഹാരാഷ്ട്രയില് നിന്നുള്ള എം.പി. സഞ്ജയ് പാട്ടീല്. പൊതുപരിപാടിക്കിടെയായിരുന്നു അദ്ദേഹത്തിന്റെ പരാമര്ശം. ബാങ്കില് നിന്ന് വായ്പയെടുത്താണ് 40 ലക്ഷം രൂപ വിലയുള്ള ആഡംബര കാര് വാങ്ങിയത്. പക്ഷേ ഇഡി എന്റെ പിന്നാലെ വരില്ല. കാരണം ഞാന് ബിജെപി എംപിയാണ് എന്നായിരുന്നു അദ്ദേഹത്തിന്റെ പരാമര്ശം.
പ്രതിപക്ഷ നേതാക്കളെ നേരിടാന് കേന്ദ്രം, അന്വേഷണ ഏജന്സികളെ ഉപയോഗപ്പെടുത്തുന്നുവെന്ന് പ്രതിപക്ഷം ആരോപണം ഉന്നയിക്കുന്ന പശ്ചാത്തലത്തിലാണ് പാട്ടീലിന്റെ പരാമര്ശം. പ്രസ്താവന വൈറലായതിനു പിന്നാലെ തന്റെ വാക്കുകള് തെറ്റായി വ്യഖ്യാനിക്കപ്പെടുകയായിരുന്നു എന്ന വിശദീകരണവുമായി പാട്ടീല് രംഗത്തെത്തിയിരുന്നു.
