തണുപ്പുകാലമാണ്, ജലദോഷവും മൂക്കടപ്പുമൊക്കെ പിടിപെടാൻ അധികനേരമൊന്നും വേണ്ട. മൂക്കടപ്പും ജലദോഷവും പ്രത്യേകിച്ച് തണുപ്പ് കാലങ്ങളിൽ നാം നേരിടുന്ന പതിവ് പ്രശ്നങ്ങളിൽ ഒന്നാണ്. മൂക്കിന്റെ പാലത്തിൽ ഉണ്ടാകുന്ന വീക്കം ആണ് മൂക്കടപ്പ് അനുഭവപ്പെടുന്നതിന് കാരണമാകുന്നത്. ഇത് ചുമയ്ക്കും ജലദോഷത്തിനും കാരണമാകുന്ന കഫം വർദ്ധിപ്പിക്കുന്ന അവസ്ഥയിലേക്ക് നയിക്കുന്നു. ഇതിനെല്ലാം പതിവായി ഉപയോഗിക്കാവുന്ന മികച്ചതും സുരക്ഷിതവും എളുപ്പം ചെയ്യാവുന്നതുമായ ചില ഒറ്റമൂലികൾ ഉണ്ട്.
ചൂടുചായ
ചൂടുചായ കുടിയ്ക്കുന്നത് മൂക്കടപ്പു മാറ്റാനുള്ള ഒരു വഴിയാണ്. എന്നാല്‍ പാലൊഴിച്ച ചായ ഒഴിവാക്കുക. ഇത് കോള്‍ഡുള്ള സമയത്തെ കഫക്കെട്ടു വര്‍ദ്ധിപ്പിയ്ക്കും. ഹെര്‍ബല്‍ ടീ ഉപയോഗിക്കുന്നതാണ് കൂടുതല്‍ നല്ലത്.
————
ആവി പിടിയ്ക്കുന്നത്
മൂക്കടപ്പു മാറാനുള്ള നല്ലൊരു പരിഹാരമാണ് ആവി പിടിയ്ക്കുന്നത്. കിടക്കുന്നതിനു തൊട്ടു മുന്‍പ് ആവി പിടിയ്ക്കുന്നത് കൂടുതല്‍ ഗുണം ചെയ്യും. വെളളത്തില്‍ അല്‍പം യൂക്കാലി തൈലം ചേര്‍ക്കുന്നത് നല്ലതാണ്.
———
കുളി
നല്ല ചൂടുവെള്ളത്തില്‍ കുളിയ്ക്കുന്നതും ഗുണം ചെയ്യും. ചൂടുവെള്ളം ബാത്‌റൂമില്‍ തങ്ങി നിര്‍ത്തുന്ന ആവിയും മൂക്കടപ്പു മാറ്റാന്‍ നല്ലതാണ്.
ഭക്ഷണം
നല്ല എരിവും മസാലകളുമുള്ള ഭക്ഷണം വയറിന് അത്ര നല്ലതല്ലെങ്കിലും മൂക്കടപ്പു മാറാന്‍ സഹായിക്കും. ഇത് മൂക്കിലുള്ള തടസം ഒഴിവാക്കും.
———-
നേസല്‍ ഡ്രോപ്‌സ്‌
ചെറുചൂടുവെള്ളം രണ്ടു ഗ്ലാസെടുത്ത് ഇതില്‍ ഒരു ടീസ്പൂണ്‍ ഉപ്പിടുക. ഇത് മരുന്നായി മൂക്കിലൊഴിയ്ക്കുന്നതും മൂക്കടപ്പു മാറാന്‍ സഹായിക്കും. വീട്ടില്‍ തന്നെ തയ്യാറാക്കാവുന്ന നേസല്‍ ഡ്രോപ്‌സാണിത്.
——–
സവാള
സവാള മുറിച്ചു മണക്കുന്നത് മൂക്കടപ്പു മാറ്റാനുള്ള മറ്റൊരു വഴിയാണ്.
