ശരീരത്തിന് വളരെയധികം ആവശ്യമുള്ള ഒന്നാണ് വൈറ്റമിൻ ഡി. ഈ വൈറ്റമിൻ്റെ അഭാവം മൂലം പല അസുഖങ്ങളും വരാനുള്ള സാധ്യത വളരെ കൂടുതലാണ്. ഇത് നമ്മുടെ തലച്ചോറിനും രോഗപ്രതിരോധ സംവിധാനത്തിനും അത്യന്താപേക്ഷിതമാണ്. വൈറ്റമിൻ ഡിയുടെ കുറവ് മൂലം ശരീരത്തിന്റെ പ്രവർത്തനം പലപ്പോഴും വഷളാകാറുണ്ട്. വൈറ്റമിൻ ഡിയുടെ ഏറ്റവും മികച്ച ഉറവിടമായി സൂര്യപ്രകാശം കണക്കാക്കപ്പെടുന്നു. രാവിലെ ഉള്ള വെയിൽ കൊള്ളമെന്ന് ഡോക്ടർമാർ നിർദേശിക്കുന്നത് അതുകൊണ്ട് കൂടിയാണ്.
വൈറ്റമിൻ ഡിയുടെ അഭാവം മൂലമുള്ള രോഗങ്ങൾ
എല്ലുകൾ, നഖങ്ങൾ, പല്ലുകൾ എന്നിവയുടെ ആരോഗ്യത്തിന് ഏറ്റവും പ്രധാനമായി ആവശ്യമുള്ളതാണ് വൈറ്റമിൻ ഡി. അസ്ഥികളുടെ നിർമ്മാണ പ്രക്രിയയുടെ പ്രധാന സ്രോതസ്സായ കാൽസ്യത്തെ ശരീരത്തിനുള്ളിൽ ആഗിരണം ചെയ്ത് എടുക്കാൻ സഹായിക്കുന്നത് വൈറ്റമിൻ ഡിയാണ്. ഇതിൻ്റെ കുറവ് അസ്ഥി വേദനയ്ക്കും അതുപോലെ അസ്ഥികൾ പൊട്ടി പോകാനുള്ള സാധ്യതയും കൂട്ടുന്നു. പ്രതിരോധ ശേഷി കുറയ്ക്കാനും വൈറ്റമിൻ ഡിയുടെ അഭാവം കാരണമാകും. അതുപോലെ മുടികൊഴിച്ചിലിനും വൈറ്റമിൻ ഡിയുടെ അഭാവം കാരണമാകും. ആരോഗ്യം കാത്തു സൂക്ഷിക്കാൻ ഈ ഭക്ഷണങ്ങൾ ഒഴിവാക്കാം. ഇന്നത്തെ കാലത്ത് പലരുടെയും ജോലികൾ ഓഫീസിനുള്ളിലെ എസിയിൽ ഇരുന്നാണ്. അതുകൊണ്ട് തന്നെ പലപ്പോഴും സൂര്യപ്രകാശത്തിൻ്റെ അഭാവം കാര്യമായി സംഭവിക്കാറുണ്ട്. വിറ്റാമിൻ ഡിയുടെ ഏറ്റവും നല്ല ഉറവിടമാണ് സൂര്യപ്രകാശം. പലപ്പോഴും ആളുകൾക്ക് സൂര്യപ്രകാശം ലഭിക്കാതിരിക്കുന്നത് വൈറ്റമിൻ ഡിയുടെ കുറവിന് കാരണമാകുന്നു. കൂടാതെ, ചിലപ്പോൾ സെൻസിറ്റീവ് ചർമ്മമുള്ള ആളുകൾ സൂര്യനിൽ നിന്ന് അകന്നു നിൽക്കും. അത്തരമൊരു സാഹചര്യത്തിൽ, ഈ ആളുകൾക്ക് വിറ്റാമിൻ ഡി ലഭിക്കാനുള്ള ഏക മാർഗം പഴങ്ങൾ, പച്ചക്കറികൾ, ജ്യൂസുകൾ, സപ്ലിമെന്റുകൾ എന്നിവ കഴിക്കുക എന്നതാണ്.
കൂൺ
സസ്യാഹാരം കഴിക്കുന്നവരിൽ വൈറ്റമിൻ ഡിയുടെ കുറവ് കൂണിലൂടെ പരിഹരിക്കാം. മനുഷ്യരെപ്പോലെ കൂണുകളും സൂര്യപ്രകാശത്തിൽ നിന്ന് വിറ്റാമിൻ ഡി ഉണ്ടാക്കുന്നുവെന്ന് ഒരു പഠനം കണ്ടെത്തി. ഇത് കഴിച്ചാൽ ഗുണം ലഭിക്കും. കാത്സ്യം, വിറ്റാമിൻ ഡി എന്നിവ കൊണ്ട് സമ്പന്നമാണ് കൂൺ എന്ന് തന്നെ പറയാം. പോഷകങ്ങളുടെ ദൈനംദിന ആവശ്യകത നിറവേറ്റാൻ സഹായിക്കുന്നതാണ് കൂൺ. ഇതുമൂലം കൂൺ അസ്ഥികൾക്ക് നല്ല ബലം കിട്ടാൻ ഏറെ സഹായിക്കുന്നു.
പാൽ, ചീസ്, തൈര്
പാൽ, ചീസ്, തൈര്, പനീർ തുടങ്ങിയ പാൽ ഉൽപന്നങ്ങളിൽ കാൽസ്യം അടങ്ങിയിട്ടുണ്ട്. ഇതിലൂടെ ആവശ്യത്തിന് വിറ്റാമിൻ ഡിയും ലഭിക്കും. ഈ രണ്ട് പോഷകങ്ങളും എല്ലുകളും പല്ലുകളും നഖങ്ങളും ശക്തിപ്പെടുത്താൻ ഏറെ സഹായിക്കുന്നതാണ്. അതുപോലെ തൈരും, പനീറും മികച്ച ഭക്ഷണങ്ങളാണ്. ദിവസവും ഒരു നേരം പാൽ കുടിക്കാൻ ശ്രമിക്കുക. നല്ല ആരോഗ്യത്തിന് ദിവസവും മുട്ട കഴിക്കാം. പ്രത്യേകിച്ച് ഗർഭിണികൾ തീർച്ചയായും കഴിച്ചിരിക്കേണ്ടതാണ് മുട്ട. പ്രോട്ടീനാൽ സമ്പന്നമായ മുട്ട വിറ്റാമിൻ ഡി നൽകുന്നു. ഇതിന്റെ മഞ്ഞ ഭാഗത്ത് ഫാറ്റി ആസിഡുകൾ, കൊഴുപ്പ്, വിറ്റാമിൻ ഡി എന്നിവ അടങ്ങിയിട്ടുണ്ട്. ഇത് കഴിക്കുന്നതിലൂടെ വിറ്റാമിൻ ഡിയുടെ കുറവ് നികത്താം. മുട്ടയുടെ വെള്ളയാണ് ആരോഗ്യത്തിന് നല്ലതെന്ന് പറയപ്പെടുന്നുണ്ടെങ്കിലും വൈറ്റമിൻ ഡി ലഭിക്കാൻ മുട്ടയുടെ മഞ്ഞക്കരു തന്നെ കഴിക്കണം.
ഓറഞ്ച് ജ്യൂസ്
ഓറഞ്ച് ജ്യൂസിൽ ധാരാളം വൈറ്റമിൻ ഡിയും സിയും അടങ്ങിയിട്ടുണ്ട്. ആരോഗ്യത്തെ പ്രോത്സാഹിപ്പിക്കുന്ന വൈവിധ്യമാർന്ന സ്വഭാവസവിശേഷതകൾ ഉൾക്കൊള്ളുന്ന മികച്ച ജ്യൂസികളിലൊന്നാണ് ഓറഞ്ച് ജ്യൂസെന്ന് തന്നെ പറയാം. ദിവസവും രാവിലെ പ്രഭാത ഭക്ഷണത്തിനൊപ്പം ഒരു ഗ്ലാസ് ഫ്രഷ് ഓറഞ്ച് ജ്യൂസ് ഉൾപ്പെടുത്തുന്നത് ആരോഗ്യത്തിന് നിരവധി ഗുണങ്ങൾ നൽകാൻ സഹായിക്കും. കടയിൽ നിന്ന് വാങ്ങുന്ന ഓറഞ്ച് ജ്യൂസിനേക്കാൾ നല്ലത് സ്വന്തമായി വീട്ടിൽ തയാറാക്കുന്നതാണ്. കാരണം വിപണിയിൽ ലഭിക്കുന്നതിൽ പല തരത്തിലുള്ള കെമിക്കലുകൾ അടങ്ങാനുള്ള സാധ്യത തള്ളി കളയരുത്.
പത്തനംതിട്ട മീഡിയയില് പ്രസിദ്ധീകരിക്കുവാനുള്ള വാര്ത്തകള് ആര്ക്കും എവിടെനിന്നും നല്കാം
മലയാളത്തിലെ പ്രമുഖ ന്യൂസ് പോര്ട്ടലുകളില് ഒന്നായ പത്തനംതിട്ട മീഡിയയില് പ്രസിദ്ധീകരിക്കുവാനുള്ള വാര്ത്തകള് ആര്ക്കും എവിടെനിന്നും നല്കാം. ഗൂഗിള് മലയാളത്തില് ടൈപ്പ് ചെയ്ത വാര്ത്തയോടൊപ്പം ഉചിതമായ ചിത്രവും നല്കേണ്ടതാണ്. വാര്ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്കണം. പത്രത്തില് പ്രസിദ്ധീകരിച്ചതും കാലഹരണപ്പെട്ടതുമായ വാര്ത്തകള് പ്രസിദ്ധീകരിക്കുന്നതല്ല. വാര്ത്തകള് പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല് ബോര്ഡില് നിക്ഷിപ്തമായിരിക്കും. രഹസ്യ സ്വഭാവമുള്ള വാര്ത്തകളും വിവരങ്ങളും ചീഫ് എഡിറ്റര്ക്ക് കൈമാറാം. ഇന്ഫോര്മറെക്കുറിച്ചുള്ള വിവരങ്ങള് അതീവ രഹസ്യമായി സൂക്ഷിക്കുന്നതാണ്.
———————–
വാര്ത്തകള് നല്കുവാന് വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്ട്ടലില് പരസ്യം നല്കുവാന് 702555 3033/ 0468 295 3033 / mail – [email protected]
———————-
ചീഫ് എഡിറ്റര് – 94473 66263, 85471 98263, 0468 2333033