ചെങ്ങന്നൂര്‍ : തിലകന്റെ സ്മരണ നിലനിർത്തുന്നതിനായി ഉചിതമായ സ്മാരകം നിര്‍മ്മിക്കുന്ന തിനും അദ്ദേഹം മലയാള സിനിമയ്ക്ക് നല്‍കിയ സംഭാവനകള്‍ ജനങ്ങളിലെത്തിക്കുവാന്‍ സ്മാരക വദി നടപ്പിലാക്കുന്ന പദ്ധതികള്‍ക്ക് സാംസ്കാരിക വകുപ്പിന്റെ എല്ലാ പിന്തുണയും സഹായവും ഉണ്ടാകുമെന്നും തിലകന്‍ സ്മാരക വേദിയ്ക്ക് സാംസ്ക്കാരിക വകുപ്പിന്റെ അംഗീകാരം നല്‍കി പ്രവര്‍ത്തിക്കുന്നതിനാവശ്യമായ സഹായ സഹകരണങ്ങൾ ലഭ്യമാക്കുമെന്നും മന്ത്രി സജി ചെറിയാൻ അറിയിച്ചു.
മുന്‍ എം.എല്‍.എ രാജു എബ്രഹാം പ്രസിഡന്റായും കൊടുമൺ ഗോപാലകൃഷ്ണന്‍ സെക്രട്ടറിയായും പ്രവര്‍ത്തിക്കുന്ന തിലകന്‍ സ്മാരക വേദി നല്‍കിയ അപേക്ഷയിലാണ് സാംസ്ക്കാരിക വകുപ്പിന്റെ തീരുമാനം അറിയിച്ചത്. മലയാള നാടക – ചലച്ചിത്ര രംഗത്തെ മഹാനടൻ തിലകന്റെ 9 -ാം ചരമദിനമാണ് സെപ്റ്റംബർ 24.
