തിരുവല്ല : തിരുവല്ല നഗരസഭയിൽ ഇരുപത്തിയൊമ്പതാം വാർഡിലെ ഉത്രമേൽ കൈത്തോട് മാലിന്യം നീക്കി വൃത്തിയാക്കി. പതിറ്റാണ്ടുകളായി മൂടി കിടന്നിരുന്ന കൈത്തോട്ടിലെ നീരൊഴുക്ക് ഇതോടെ സുഗമമായി. ഇത് രണ്ടാംഘട്ടം ആണ് തൊഴിലുറപ്പ് തൊഴിലാളികൾ കൈത്തോടിൽ വെള്ളം ഒഴുകി പോകുന്നതിനുള്ള സംവിധാനം ഒരുക്കിയത് . 29 ആം വാർഡിലെ മുഴുവൻ കൈത്തോടുകളും ഓടകളും മാലിന്യം നീക്കി വൃത്തിയാക്കുന്ന പ്രവർത്തിക്ക് മുൻതൂക്കം കൊടുക്കുമെന്ന് വാർഡ് കൗൺസിലർ ശ്രീനിവാസ് പുറയാറ്റ് പറഞ്ഞു.
മണിപ്പുഴ തോടിൽ നിന്നും ആരംഭിച്ച് മന്നം കരച്ചിറ തോടിൽ എത്തുന്ന കൈത്തോടാണിത്. 18 ഏക്കറോളം പാടവും ഈ കൈത്തോട് കടന്നു പോകുന്ന ഭാഗത്തുണ്ട്. കൃഷിക്കാവശ്യത്തിനായി വെള്ളം കൊണ്ടുപോകുന്നതിനായി നിർമ്മിച്ച തോട് ആണ് . തോട്ടിലെ മാലിന്യങ്ങൾ നീക്കി നീരൊഴുക്ക് സുഗമമാക്കുമ്പോൾ വെള്ളപ്പൊക്കം ഭീഷണി നേരിടുന്ന 45 ഓളം കുടുംബങ്ങൾക്ക് ആശ്വാസമാകും.
രണ്ട് കലുങ്ക് ചേരിപ്പറമ്പ് ഉത്രമേൽ റോഡിൽ നിർമ്മിക്കുന്നതിന് വേണ്ടു ന്ന നടപടികൾ നടക്കുന്നു . ഇതിന്റെ നിർമ്മാണം പൂർത്തീകരിക്കുന്നതോടുകൂടി ഈ തോട്ടിലേക്കുള്ള നീരൊഴുക്ക് പൂർണ്ണമായും സുഗമമാകും. തോടുകൾ വൃത്തിയാക്കുന്ന പ്രവർത്തികൾക്ക് നാട്ടുകാരും പങ്കാളികളായി