കോഴിക്കോട് : തിരുവമ്പാടി ചാലില്‍ തൊടികയില്‍ അയല്‍വാസികള്‍ തമ്മിലുള്ള സംഘര്‍ഷത്തില്‍ ഒരാള്‍ കൊല്ലപ്പെട്ട സംഭവത്തിലെ പ്രതി കസ്റ്റഡിയില്‍. അയല്‍വാസി രജീഷ് ആണ് തിരുവമ്പാടി പോലീസിന്റെ കസ്റ്റഡിയിലായത്. സംഭവസ്ഥലത്ത് ഇന്ന് തെളിവെടുപ്പിനെത്തിക്കുമെന്നു തിരുവമ്പാടി സിഐ സുമിത്ത് പറഞ്ഞു. ബുധനാഴ്ച ഉച്ചയോടെയായിരുന്നു തിരുവമ്പാടി ചാലില്‍ തൊടികയില്‍ മോഹന്‍ദാസിനെ അയല്‍വാസിയായ രജീഷ് തലക്കടിച്ച് കൊലപ്പെടുത്തിയത്.
കൊലയ്ക്കുശേഷം പ്രതിയായ രജീഷ് ഒളിവില്‍ പോവുകയായിരുന്നു. ടൈല്‍ കൊണ്ട് തലക്കടിച്ചു പരിക്കേല്‍പ്പിച്ചതാണ് മരണകാരണമെന്ന് സൂചനയുണ്ടെങ്കിലും പോലീസിന്റെ പ്രാഥമിക അന്വേഷണത്തില്‍ ടൈലിന്റെ അവശിഷ്ടങ്ങള്‍ കണ്ടെത്താനായിട്ടില്ല.
