തിരുവനന്തപുരം: ട്രെയിനിന്റെ ജനറൽ കോച്ചിലേക്ക് ശുചിമുറിയിലെ മലിനജലം ഒഴുകി. യാത്രക്കാരെ ഇത് ദുരിതത്തിലാക്കി. തിരുവനന്തപുരം–കൊച്ചുവേളി എക്സ്പ്രസിലാണ് സംഭവം. ശുചിമുറിയിലെ വെള്ളം കോച്ചിനുള്ളിൽ പരന്നൊഴുകുകയായിരുന്നു. തിരക്കുള്ള കോച്ചിലാണ് സംഭവം. കോഴിക്കോട് നിന്നുള്ള ഒരു യാത്രികന് ഇതിൻ്റെ വീഡിയോ എടുക്കുകയായിരുന്നു. വീഡിയോയിൽ മലിനജലത്തില് ചവിട്ടി ആളുകള് ഇരിക്കുന്നതുകാണാം. ചിലര് കാലുകള് സീറ്റിന് മുകളില് കയറ്റിയാണ് ഇരുന്നത്.
സംഭവം ശ്രദ്ധയില്പ്പെട്ട ഉടന് റെയില്വെ അധികൃതരെ ബന്ധപ്പെട്ടതായാണ് യാത്രികന് പറഞ്ഞത്. എന്നാല് താന് സ്റ്റോപ്പില് ഇറങ്ങുന്നതുവരെ നടപടി ഉണ്ടായില്ല. മലിനജലത്തില് നിന്ന് ദുര്ഗന്ധം വമിച്ചതായും യാത്രക്കാരൻ പറഞ്ഞു. ട്രെയിനിലെ ശുചിമുറികളുടെ അറ്റകുറ്റപ്പണികളും വൃത്തിയാക്കലും കൃത്യമായി നടത്തിയില്ലെങ്കിൽ ഇങ്ങനെ ഉണ്ടാകുമെന്ന് യാത്രക്കാർ പറഞ്ഞു. സംഭവത്തിന്റെ വീഡിയോ വ്യാപകമായി പ്രചരിക്കുന്നുണ്ട്.
