തിരുവനന്തപുരം: എന്ഫോഴ്സ്മെന്റ് ഡയറക്ടറേറ്റിനെതിരെ രൂക്ഷ വിമര്ശനവുമായിമുന്ധനമന്ത്രി തോമസ് ഐസക്. സ്വകാര്യ മാധ്യമത്തിന് നല്കിയ അഭിമുഖത്തിലാണ് തോമസ് ഐസക്കിന്റെ പ്രതികരണം. തോമസ് ഐസക്കിന്റെ വാക്കുകളിലൂടെ;- കിഫ്ബിയുടെ പേരില് തനിക്കെതിരായ നീക്കം മാധ്യമ ശ്രദ്ധ കിട്ടാനാണ്. ഇടതുസര്ക്കാരിനെയാണ് കേന്ദ്രസര്ക്കാര് ലക്ഷ്യമിടുന്നത്. മറ്റ് പരിപാടികള് ഇല്ലെങ്കില് ഇ.ഡിക്ക് മുന്നില് ഹാജരാകും. ഇ.ഡി നടപടിയില് തനിക്ക് ഭയമില്ല. അറസ്റ്റ് അടക്കമുള്ള നടപടികള് നേരിടാന് തയ്യാറാണ്.
തന്നെ ചോദ്യം ചെയ്യുന്നതിന് മുമ്പ് ഇഡി കാര്യങ്ങള് കുറച്ചെങ്കിലും പഠിക്കണം. വിവാദമാണ് നീക്കങ്ങളിലൂടെ കേന്ദ്രം ലക്ഷ്യമിടുന്നത്. മറ്റ് പരിപാടികളൊന്നും ഇല്ലെങ്കില് തീര്ച്ചയായും ഹാജരാകും. ബൊഹീമിയന് എഴുത്തുകാരന് ഫ്രാന്സ് കാഫ്കയുടെ ദ ട്രൈയല് എന്ന നോവലിലെ അവസ്ഥയാണ് ഇപ്പോള് എനിക്ക്. നോവലില് ചിലര് ജോസഫ് കെയ്ക്കെതിരെ തെറ്റായ ആരോപണങ്ങള് ഉന്നയിക്കുന്നു. തുടര്ന്ന് യാതൊരു വിശദീകരണവും നല്കാതെ അറസ്റ്റ് ചെയ്യപ്പെടുന്നു. ഇപ്പോഴത്തെ സാഹചര്യം അതുപോലെയാണ്. നിങ്ങള് അറസ്റ്റ് ചെയ്യപ്പെടാം. പക്ഷേ എന്തിനാണെന്ന് പറയേണ്ടതിന്റെ ആവശ്യമില്ല. ഇത്തരം സംഭവങ്ങള് നേരിടാന് താന് തയ്യാറാണ്.