തോമ്പിക്കണ്ടം : സീയോൻ അസംബ്ലി ചർച്ച് ഓഫ് ഗോഡ് 43-ാമത് ജനറൽ കൺവൻഷൻ നാളെ മുതൽ ഞായർ വരെ റാന്നി തോമ്പിക്കണ്ടം സീയോൻ പുരത്ത് നടക്കുന്നതാണ്. നാളെ വൈകീട്ട് 7 മണിക്ക് സഭകളുടെ നാഷ്ണൽ ഓവർസിയർ റവ. ബിനോയി ജോസഫ് ഉദ്ഘാടനം ചെയ്യും. ജനറൽ സെക്രട്ടറി റവ.സി.ഡി.തോമസ് അദ്ധ്യക്ഷനായിരിക്കും. തുടർന്ന് പാസ്റ്റർ.റെജി ശാസ്താംകോട്ട, പാസ്റ്റർ.എബി എബ്രഹാം, പാസ്റ്റർ.അനീഷ് കാവാലം, പാസ്റ്റർ.ടോമി ജോസഫ് എന്നിവർ ദൈവവചനം പ്രസംഗിക്കും. ഗാനശുശ്രൂഷ പോൾസൺ കണ്ണൂർ നയിക്കുന്ന സീയോൻ മെലഡി. സ്നാന ശുശ്രൂഷ, യുവജന മീറ്റിംഗ്, വനിതാസമാജം, സൺഡേ സ്കൂൾ മീറ്റിംഗ് എന്നിവയും ഉണ്ടായിരിക്കും. ഞായറാഴ്ച്ച സംയുക്ത ആരാധനയോടെ കൺവൻഷൻ സമാപിക്കും.
