ന്യൂഡല്ഹി : ഇന്ത്യയിലെ ബാങ്കിങ് ഉപയോക്താകള്ക്ക് മുന്നറിയിപ്പുമായി സൈബര് സുരക്ഷ ഏജന്സിയായ കമ്പ്യൂട്ടർ എമര്ജന്സി റെസ്പോണ്സ് ടീം. വ്യാജ ഇടപാടുകള് നടത്താൻ വേണ്ടി ബാങ്കിങ് ഉപയോക്താക്കളുടെ നിര്ണായക വിവരങ്ങള് ചോര്ത്താന് ഫിഷിങ് അറ്റാക്കിന് ഹാക്കര്മാര് തയാറെടുക്കുന്നുവെന്നാണ് മുന്നറിയിപ്പ്. ഇന്ത്യയിലെ വ്യാജ ബാങ്കിങ് വെബ്സൈറ്റുകളാണ് ഇതിനായി ഇവർ ഉപയോഗിക്കുന്നത്. അതിനാല് ബാങ്കിങ് ഉപയോക്താക്കള് ഹാക്കിങ്ങിന് വിധേയമായേക്കാമെന്നാണ് മുന്നറിയിപ്പ്.
ഉപഭോക്താക്കള്ക്ക് വ്യാജ എസ്.എം.എസ് അയച്ചാവും തട്ടിപ്പ് നടത്തുക എന്നാണ് സൂചന. ”പ്രിയ ഉപഭോക്താവെ നിങ്ങളുടെ അക്കൗണ്ട് സസ്പെന്ഡ് ചെയ്തിരിക്കുന്നു. കെ.വൈ.സി പുതുക്കുന്നതിനായി താഴെക്കാണുന്ന ലിങ്കില് ക്ലിക്ക് ചെയ്യുക എന്നായിരിക്കും” ഉപഭോക്താക്കള്ക്ക് ലഭിക്കുന്ന സന്ദേശം. ലിങ്കിൽ ക്ലിക്ക് ചെയ്യുന്നതോടെ ഫിഷിങ് സൈറ്റിലേക്ക് എത്തുന്നത്. ഈ സൈറ്റിന്റെ സഹായത്തോടെ ഉപഭോക്താക്കളുടെ നിര്ണായക വിവരങ്ങള് ചോര്ത്തിയാണ് തട്ടിപ്പ്. അതുകൊണ്ട് തന്നെ ഇതുപോലെ ഉള്ള സന്ദേശങ്ങൾ നിങ്ങൾക്ക് ലഭിച്ചാൽ ലിങ്കുകളില് ക്ലിക്ക് ചെയ്യാതെ നേരിട്ട് ബാങ്കുമായി ബന്ധപ്പെടേണ്ടതാണ്.