പത്തനംതിട്ട : ദുര്ബല വിഭാഗങ്ങളുടെ പുരോഗതിക്കു വേണ്ടി മുന്നിട്ടിറങ്ങുന്ന സേവന തല്പരരാകണം എസ് സി പ്രമോട്ടര്മാര് എന്ന് ഡെപ്യൂട്ടി സ്പീക്കര് ചിറ്റയം ഗോപകുമാര് പറഞ്ഞു. പട്ടികജാതി വകുപ്പും കിലയും സംയുക്തമായി സംഘടിപ്പിച്ച ആലപ്പുഴ, പത്തനംതിട്ട ജില്ലകളിലെ എസ്സി പ്രൊമോട്ടര്മാര്ക്കും കമ്മ്യൂണിറ്റി സോഷ്യല് വര്ക്കര്മാര്ക്കുമുള്ള ത്രൃദിന റസിഡന്ഷ്യല് പരിശീലന പരിപാടി പഴകുളം പാസില് ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
പട്ടികജാതി വികസന വകുപ്പ് ഡെപ്യൂട്ടി ഡയറക്ടര് കെ.കെ. ഷാജു അധ്യക്ഷത വഹിച്ചു. പത്തനംതിട്ട ജില്ലാ പട്ടികജാതി വികസന ഓഫീസര് ആര്. രഘു, ആലപ്പുഴ പട്ടിക ജാതി വികസന ഓഫീസര് ബഞ്ചമിന്, ജനകീയാസൂത്രണം പത്തനംതിട്ട ജില്ലാ ഫെസിലിറ്റേറ്റര് എ.ആര്. അജീഷ് കുമാര്, ജില്ലാ പഞ്ചായത്ത് ആസൂത്രണ സമിതി ഉപാധ്യക്ഷന് അജിത് കുമാര് എന്നിവര് സംസാരിച്ചു.
