എലത്തൂർ : പ്രായപൂർത്തിയാവാത്ത പെൺകുട്ടിയെ പീഡിപ്പിച്ചതിന് സുഹൃത്തുക്കളായ മൂന്നുയുവാക്കളെ പോലീസ് അറസ്റ്റുചെയ്തു. അന്നശ്ശേരി എടക്കര സ്വദേശികളായ മലയിൽ ജിബിൻ (22), കിഴക്കെമലയിൽ സച്ചു എന്ന അജയ് (19), തൂണുമണ്ണിൽ കേയക്കണ്ടി അഷിൽ (21) എന്നിവരാണ് അറസ്റ്റിലായത്.
നഗരത്തിൽ കൈയ്ക്ക് പച്ചകുത്തുന്ന സ്ഥാപനത്തിൽവെച്ച് പെൺകുട്ടിയെ പരിചയപ്പെട്ട ജിബിൻ പ്രണയം നടിച്ച് ആളില്ലാത്ത സമയത്ത് പെൺകുട്ടി താമസിക്കുന്ന വാടകവീട്ടിലെത്തി പീഡിപ്പിക്കുകയായിരുന്നു. സുഹൃത്തുക്കളായ അജയ്‌ക്കും അഷിലിനും പരിചയപ്പെടുത്തുകയും ഇവരും പിന്നീട് പെൺകുട്ടിയെ പീഡിപ്പിച്ചതായാണ് പരാതി. പോക്സോ നിയമപ്രകാരമാണ് അറസ്റ്റ്.
