തൃശൂര് : കരിയും കരിമരുന്നും ഇല്ലാതെ ഇന്ന് തൃശ്ശൂര്പൂരം. പൂര ദിവസമായ ഇന്ന് ക്ഷേത്രത്തിനകത്തെ ചടങ്ങുകള് മാത്രമേ ഉണ്ടാകൂ. ആറാട്ടൊഴികെ പുറത്തേയ്ക്കുള്ള എഴുന്നള്ളിപ്പുകള് ഇല്ല. ലോക്ഡൗണ് നിലനില്ക്കുന്നതിനാലാണ് ഒരാനപ്പുറത്തെ പൂരം പോലും ഒഴിവാക്കിയത്. മുമ്പ് പൂരം മുടങ്ങിയപ്പോഴൊക്കെ ഒരാനപ്പുറത്ത് ചടങ്ങുകള് നടന്നിരുന്നു. എന്നാല് ഈ വര്ഷം കോവിഡ് ഭീതി കാരണം ഒരാനയെപ്പോലും പുറത്തിറക്കാന് കഴിഞ്ഞില്ല. താന്ത്രിക ചടങ്ങുകള് മാത്രം നടന്നു. കൊടിയേറ്റവും കര്ശന നിയന്ത്രണങ്ങളോടെ ദേശക്കാരെ ഒഴിവാക്കിയാണ് നടന്നത്. പൂരത്തില് പങ്കാളികളായ എട്ടു ഘടകക്ഷേത്രങ്ങളും അടഞ്ഞു കിടക്കുകയാണ്. പാറമേക്കാവ്, തിരുവമ്പാടി ക്ഷേത്രങ്ങളിലും ഭക്തര്ക്കു പ്രവേശനമില്ല.
തൃശൂര് പൂരത്തിന്റെ പരമ്പരാഗത ആചാരങ്ങളും ചടങ്ങുകളും കൃത്യമായി പൂര്ത്തിയാക്കണമെങ്കില് ആനയും മേളവും വെടിക്കെട്ടും വേണം. ഒരു ആനയെ പങ്കെടുപ്പിച്ച് ചടങ്ങ് നടത്താന് ശ്രമിച്ചെങ്കിലും അനുമതി കിട്ടിയില്ല. അടുത്ത പൂരം കെങ്കേമമാക്കാമെന്ന പ്രതീക്ഷയാണ് ദേശക്കാര്ക്ക്.
The post ക്ഷേത്രത്തിനകത്തെ ചടങ്ങുകള് മാത്രമായി ഇന്ന് തൃശ്ശൂര്പൂരം ; ഇത് ചരിത്രത്തില് ആദ്യം appeared first on Pathanamthitta Media.
