കൊല്ലം : കഴിഞ്ഞ വര്ഷം വയനാട് ജില്ല ഉള്പ്പെടെ വിവിധ മലയോര മേഖലകളില് ഒട്ടേറെ മരണങ്ങള്ക്ക് കാരണമായ ചെള്ളുപനി കൊല്ലം ഏരൂരില് സ്ഥിരീകരിച്ചു. ഏരൂര് ആലഞ്ചേരി സ്വദേശിയായ നാലു വയസുകാരനാണ് ചെള്ളുപനി സ്ഥിരീകരിച്ചത്. തിരുവനന്തപുരം എസ്.എ.ടി ആശുപത്രിയില് എത്തിച്ച് നടത്തിയ പരിശോധനയിലാണ് ചെള്ളുപനി കണ്ടെത്തിയത്.
കടുത്ത പനിയെ തുടര്ന്ന് ആശുപത്രിയില് പ്രവേശിപ്പിച്ച കുട്ടിയുടെ രക്തസാമ്പിള് പരിശോധനയില് ചെള്ളുപനിയാണെന്ന് സ്ഥിരീകരിച്ചത്.
പനി ബാധിച്ച് ഒരാഴ്ച്ചയിലധികമായി അഞ്ചലിലെ സ്വകാര്യ ആശുപത്രിയില് ചികിത്സയിലായ കുട്ടിക്ക് കടുത്ത പനിക്കൊപ്പം ശരീരത്തില് തടിപ്പും കണ്ടതോടെയാണ് തിരുവനന്തപുരം എസ്.എ.ടി ആശുപത്രിയില് പ്രവേശിപ്പിച്ചത്. തുടര്ന്ന് നടത്തിയ പരിശോധനയിലാണ് രോഗം കണ്ടെത്തിയത്.
