പത്തനംതിട്ട: സ്വതന്ത്രമായി എഴുതാനും വായിക്കാനും കഴിയാത്ത ഒരു കാലഘട്ടത്തിൽ കൂടിയാണ് നാം കടന്നു പോകുന്നതെന്നും മുൻപൊന്നും അക്ഷരങ്ങൾക്ക് ജാതിയോ മതമോ ഭ്രഷ്ട് കൽപ്പിച്ചിട്ടില്ലായിരുന്നുവെന്നും ഡെപ്യൂട്ടി സ്പീക്കർ ചിറ്റയം ഗോപകുമാർ പറഞ്ഞു. എഴുത്തുകൂട്ടം സാസ്കാരികവേദി നടത്തിയ സാഹിത്യകാരൻ പി. അയ്യനേത്ത് അനുസ്മരണ സമ്മളനം പ്രസ്സ് ക്ലബിൽ ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം.
ഈ ആധുനിക കാലത്ത് വായനയുടെ പ്രതലം തന്നെ മാറി. ഇന്ന് സോഷ്യൽ മീഡിയ എറ്റവും കൂടുതൽ ഉപയോഗിക്കുന്ന കാലഘട്ടമായി തീർന്നിരിക്കന്നു. ആവശ്യമുള്ളത് മാത്രം വായിക്കുക എന്ന നിലയിലേക്ക് നമ്മൾ മാറി. മുൻപ് അങ്ങനെ ആയിരുന്നില്ല. എല്ലാത്തരം വായനയയും ഉണ്ടായിരുന്നു. തുറന്നെഴുതാനും മനുഷ്യൻ്റെ മനസ്സിൽ അക്ഷരങ്ങൾ കൊണ്ട് ഒരു വെളിച്ചം സൃഷ്ടിക്കാനും ജീവിതവുമായി ബന്ധപ്പെട്ട് ഒരു മാറ്റം ഉണ്ടാക്കാനും സാഹിത്യകാരന്മാർക്ക് മാത്രമേ കഴിയുകയെന്നും അദ്ദേഹം പറഞ്ഞു.
പി. അയ്യനേത്ത് കൂടുതൽ വായനക്ക് വഷയീഭവിക്കണമെന്നും ഒരുപക്ഷവും പിടിക്കാതെ ശരിപക്ഷത്ത് നിന്ന് സാഹിത്യലോകത്ത് തൻ്റേതായ ഇടം കണ്ടെത്തിയ വ്യക്തിയാണ് പി. അയ്യനേത്തെന്നും അനുസ്മരണ പ്രഭാഷണം നടത്തിയ നടനും ചലച്ചിത്ര സംവിധായകനുമായ കുമ്പളത്ത് പത്മകുമാർ പറഞ്ഞു. സാമുദായിക കൊള്ളരുതായ്മകളോട് സമരസപ്പെടാത്ത വ്യക്തിത്വമാണ് പി. അയ്യനേത്തിൻ്റെതെന്നും അനുഭവ ചരിത്രത്തിൻ്റെ വൈകാരിക മുഹൂർത്തങ്ങളുടെ അടയാളപ്പെടുത്തലുകളാണ് അദ്ദേഹത്തിൻ്റെ എഴുത്തുകൾ എന്നും ചെറുകഥാകൃത്ത് ഡോ. ബി. രവികുമാർ അദ്ധ്യക്ഷ വഹിച്ചു പറഞ്ഞു.
എഴുത്തുകൂട്ടം സാംസ്കാരികവേദി സെക്രട്ടറി ഡോ. നിബുലാൽ വെട്ടൂർ, നോവലിസ്റ്റ് വിനോദ് ഇളകൊള്ളൂർ, മുൻ അഡീഷനൽ പബ്ലിക് പ്രോസക്യൂട്ടർ അഡ്വ.ബാബുജി കോശി, എഴുത്തുകൂട്ടം സാംസ്കാരികവേദി പ്രസിഡൻ്റ് പ്രീത് ചന്ദനപ്പള്ളി,
അഡ്വ.തോമസ് ജോസ് അയ്യനേത്ത്, കവികളായ എം.എസ്. മധു, ജയ അജിത്, പി. അയ്യനേത്ത് അനുസ്മരണ സമിതി കൺവീനർ മനോജ് ചന്ദനപ്പള്ളി, സാഹിത്യകാരൻ ജേക്കബ് എബ്രഹാം എന്നിവർ പ്രസംഗിച്ചു.
ചടങ്ങിൽ എഴുത്തുകൂട്ടം സാംസ്കാരികവേദി പ്രഥമ പി. അയ്യനേത്ത് പുരസ്കാരം സാഹിത്യകാരൻ ജേക്കബ് ഏബ്രഹാമിന് ഡെപ്യൂട്ടി സപീക്കർ ചിറ്റയം ഗോപകുമാർ സമ്മാനിച്ചു. മനോരമ ബുക്സ് പ്രസിദ്ധീകരിച്ച ജേക്കബ് എബ്രഹാമിൻ്റെ “കുമരി” യാണ് ഇക്കൊല്ലത്തെ അവാർഡിന് അർഹമായത്. പി. അയ്യനേത്തിന്റെ പുസ്കങ്ങളുടെ പ്രദർശനവും ഇതോടനുന്ധിച്ച് പ്രസ് ക്ലബിൽ നടന്നു.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 / mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
