മല്ലപ്പള്ളി : ചുങ്കപ്പാറ സെന്റ് ജോര്ജസ് ഹൈസ്കൂളിന്റെ ആഭിമുഖ്യത്തില് നടന്ന ജോസഫ് മാര് സേവേറിയോസ് സ്മാരക ഇന്റര്സ്കൂള് ക്വിസ് കോമ്പറ്റീഷനില് തിരുമൂലപുരം എസ്.എന്.വി ഹൈസ്കൂള് വിജയികളായി. 26 ടീമുകള് പങ്കെടുത്ത മത്സരത്തില് മുണ്ടക്കയം ജോസഫ് സെന്ട്രല് സ്കൂള് രണ്ടും മൂന്നും സ്ഥാനങ്ങള് കരസ്ഥമാക്കി. തിരുവല്ല അതിരൂപത രണ്ടാമത്തെ അധ്യക്ഷനും സ്കൂള് സ്ഥാപകനുമായ വാളക്കുഴി ജോസഫ് മാര് സെവോറിയോസ് തിരുമേനിയുടെ സ്മരണയില് കഴിഞ്ഞ വര്ഷമാണ് മത്സരം ആരംഭിച്ചത്.
എട്ടാം ക്ലാസ് മുതല് പ്ലസ് ടൂ വരെയുള്ള വിദ്യാര്ഥികള്ക്കായാണ് മത്സരം നടത്തുന്നത്. സ്കൂള് ഓഡിറ്റോറിയത്തില് നടന്ന മത്സരം സ്കൂള് ലോക്കല് മാനേജര് ഫാ.എബി വടക്കുംതല ഉത്ഘാടനം ചെയ്തു. ഹെഡ്മാസ്റ്റര് വര്ഗീസ് വടക്കുംതല അധ്യക്ഷത വഹിച്ച സമാപന സമ്മേളനത്തില് കോട്ടാങ്ങല് ഗ്രാമപഞ്ചായത്ത് വൈസ് പ്രസിഡന്റ് കെ .കെ ഹരികുമാര്, വാര്ഡ് അംഗം ജോസഫ്, ഷിബി മണ്ണില്, അന്സാരി എം. എം, എന്നിവര് സംസാരിച്ചു. ക്വിസ് മാസ്റ്ററായ ഷിബു മാത്യു ചുങ്കത്ത്, അധ്യാപകരായ മാത്യൂസ് ഡാനിയേല്, റോബിന് മാത്യു, ദീപ പി അഗസ്റ്റിന്, അനീഷ വി നൈനാന് എന്നിവര് നേതൃത്വം നല്കി.
