വടകര : വടകരയില് 200 കിലോ പുകയില ഉല്പന്നങ്ങളുമായി യുവാവ് എക്സൈസ് പിടിയില്. വടകര മേമുണ്ട ചല്ലിവയല് സ്വദേശി പുതിയോട്ടില് അഷറഫ് എന്ന റഫീക്കി(45)നെയാണ് എക്സൈസ് അറസ്റ്റ് ചെയ്തത്.
വെള്ളിയാഴ്ച പകല് പന്ത്രണ്ടോടെ ഇയാളുടെ വീട്ടില് നടത്തിയ പരിശോധനയിലാണ് ചാക്കില് സൂക്ഷിച്ച നിലയില് 30000 പേക്കറ്റ് പുകയില ഉല്പന്നമായ ഹാന്സ് പിടികൂടിയത്. ജില്ലയുടെ വിവിധ ഭാഗങ്ങളില് പുകയില ഉല്പന്നങ്ങള് വിതരണം ചെയ്യുന്ന പ്രധാന കണ്ണിയാണ് പിടിയിലായെതെന്ന് എക്സൈസ് പറഞ്ഞു.
നേരത്തെയും പുകയില ഉല്പന്നങ്ങളുമായി പിടിയിലായ ഇയാള് സ്കൂള് വിദ്യാര്ഥികളെയാണ് പ്രധാനമായും ലക്ഷ്യമിട്ടത്. കോഴിക്കോട് എക്സൈസ് ഇന്റലിജന്റ്സിലെ പ്രിവന്റീവ് ഓഫീസര് പ്രമോദ് പുളിക്കൂലിന്റെ നേതൃത്വത്തില് വടകര എക്സൈസ് റെയ്ഞ്ച് ഓഫീസിലെ എക്സൈസ് ഇന്സ്പെക്ടര് പി പി വേണു, പ്രിവന്റീവ് ഓഫീസര് കെ സി കരുണന്, പ്രിവന്റീവ് ഓഫീസര് ഗ്രേഡ് സി രാമകൃഷ്ണന്, സിഇഒമാരായ ജി ആര് രാകേഷ് ബാബു, മുസ്ബിന്, വിനീത് എന്നിവര് പരിശോധനയില് പങ്കെടുത്തു.