ചടയമംഗലം : ചടയമംഗലത്ത് രണ്ടു കടകളില് നിന്ന് ആയിരത്തോളം പായ്ക്കറ്റ് നിരോധിത പുകയില ഉല്പന്നങ്ങള് പിടികൂടി. ആഘോഷങ്ങള് പ്രമാണിച്ച് ചടയമംഗലം പോലീസ് സ്റ്റേഷന് പരിധിയില് നടത്തിയ പരിശോധനയിലാണ് ആയിരം പായ്ക്കറ്റ് നിരോധിത പുകയില ഉത്പന്നങ്ങള് പിടിച്ചെടുത്തത്. ആയൂര് ജങ്ഷനിലെ രാജേഷ്, മാധവന് പിള്ള എന്നിവരുടെ കടകളില് നിന്ന് 300-ല്പ്പരം പായ്ക്കറ്റും ഇളമാട് ജോസിന്റെ കടയില്നിന്ന് 600-ല്പ്പരം പായ്ക്കറ്റും പുകയില ഉത്പന്നങ്ങളാണ് പിടികൂടിയത്. ചടയമംഗലം പോലീസ് ഇന്സ്പെക്ടര് ബിജു, എസ്.ഐ.മാരായ എസ്.സലിം, പ്രിയ, എ.എസ്.ഐ. അനില്കുമാര്, സി.പി.ഒ.മാരായ അജിത്ത് , സനല്, സുജിത്ത്, എന്നിവരുടെ നേതൃത്വത്തിലാണ് പരിശോധന നടത്തിയത്. നിരോധിത പുകയില ഉല്പന്നങ്ങള് വിറ്റതിനെതിരെ ഇരുകടക്കാര്ക്കെതിരെയും കേസ്സെടുത്തു
