തിരുവനന്തപുരം: സംസ്ഥാനത്ത് ഇന്ന് മാറ്റമില്ലാതെ സ്വർണവില. ഒരു പവൻ സ്വർണത്തിന് 44,240 രൂപ നിരക്കിലാണ് ഇന്ന് വ്യാപാരം നടക്കുന്നത്. ഒരു ഗ്രാം സ്വർണത്തിന് 5,530 രൂപയാണ് വില. ഈ മാസത്തെ ഏറ്റവും താഴ്ന്ന നിരക്കിലാണ് സ്വർണവില ഇപ്പോൾ ഉള്ളത്. ആഗോള വിപണിയിലെ ചലനങ്ങൾക്ക് അനുസൃതമായി ആഭ്യന്തര വിപണിയിലും മാറ്റം ഉണ്ടാകാറുണ്ട്. അന്താരാഷ്ട്ര വിപണിയിൽ ട്രോയ് ഔൺസിന് 28.75 ഡോളർ ഇടിഞ്ഞ് 1,948.19 ഡോളർ നിരക്കിലാണ് ഇപ്പോൾ വ്യാപാരം നടക്കുന്നത്.
ഈ മാസം സ്വർണവില ഏറ്റവും ഉയർന്ന നിരക്കിൽ എത്തിയത് ജൂൺ 2-നായിരുന്നു. ഒരു പവൻ സ്വർണത്തിന് 44,800 രൂപയും, ഒരു ഗ്രാമിന് 5,600 രൂപയുമായിരുന്നു ജൂൺ രണ്ടിലെ നിരക്ക്. അതേസമയം, സ്വർണവില റെക്കോർഡ് ഉയരത്തിൽ എത്തിയത് മെയ് 5-നാണ്. ഒരു പവൻ സ്വർണത്തിന് 45,760 രൂപയും, ഒരു ഗ്രാം സ്വർണത്തിന് 5,720 രൂപയുമായിരുന്നു അന്നത്തെ നിരക്ക്. സംസ്ഥാനത്ത് ഇന്ന് വെള്ളി വിലയിൽ ഇടിവ് രേഖപ്പെടുത്തി. ഒരു ഗ്രാം വെള്ളിക്ക് 77.80 രൂപയാണ് ഇന്നത്തെ വിപണി വില. 8 ഗ്രാമിന് 622.40 രൂപയും, 100 ഗ്രാമിന് 7,780 രൂപയുമാണ് ഇന്നത്തെ വിലനിലവാരം
