തിരുവനന്തപുരം: സംസ്ഥാനത്ത് ഇന്നും സ്വർണവില മാറ്റമില്ലാതെ തുടരുന്നു. ഇന്ന് ഒരു പവൻ വൻ സ്വർണത്തിന്റെ വിപണി വില 44,760 രൂപയാണ്. ഒരു ഗ്രാം സ്വർണത്തിന് 5,595 രൂപ നിരക്കിലാണ് ഇന്ന് വ്യാപാരം നടക്കുന്നത്. തുടർച്ചയായ മൂന്നാം ദിനമാണ് സംസ്ഥാനത്ത് സ്വർണവില മാറ്റമില്ലാതെ തുടരുന്നത്. ആഗോള വിപണിയിൽ സ്വർണവില 2,000 ഡോളറിന് മുകളിലാണ്. നിലവിൽ, സ്വർണം ഔൺസിന് 2,004.57 ഡോളറാണ് വില. ആഗോള വിപണിയിലെ മാറ്റങ്ങളാണ് കേരളത്തിലെ സ്വർണവിലയിലും പ്രതിഫലിക്കുന്നത്.
കഴിഞ്ഞ 30 ദിവസത്തിനിടെ ആഗോള സ്വർണവിലയിൽ 1.41 ശതമാനത്തിന്റെയും, ആറ് മാസത്തിനിടെ 21.3 ശതമാനത്തിന്റെയും വർദ്ധനവാണ് രേഖപ്പെടുത്തിയത്. സംസ്ഥാനത്ത് ഇന്ന് വെള്ളി വിലയിൽ മാറ്റമില്ല. ഒരു ഗ്രാം വെള്ളിയുടെ വില 81.59 രൂപയാണ്. 8 ഗ്രാം വെള്ളിക്ക് 652 രൂപയും, 10 ഗ്രാം വെള്ളിക്ക് 815 രൂപയുമാണ് വിപണി നിരക്ക്. ദീർഘകാല നിക്ഷേപം നടത്താൻ ആഗ്രഹിക്കുന്നവർക്ക് വെള്ളിയും മികച്ച ഓപ്ഷനാണ്.
