കണ്ണൂര : പാനൂരില് പെഡസ്റ്റല് ഫാനിന്റെ വയര് കഴുത്തില് കുരുങ്ങി പിഞ്ചുകുഞ്ഞ് മരിച്ചു. പാലത്തായിലെ പാറേങ്ങാട്ട് സമജിന്റെയും ശിശിരയുടെയും എട്ട് മാസം പ്രായമുളള മകന് ദേവാംഗാണ് മരണപ്പെട്ടത്. ഞായറാഴ്ച പുലര്ച്ചെയാണ് സംഭവം. ഉറക്കത്തിനിടെ തൊട്ടടുത്ത് ഉണ്ടായിരുന്ന ടേബിള്ഫാനിന്റെ വയറില് കഴുത്ത് കുരുങ്ങുകയായിരുന്നു എന്നാണ് കരുതുന്നത്. ഉടന് തന്നെ കുട്ടിയെ ചൊക്ലിയിലെ സ്വകാര്യ ആശുപത്രിയിലെത്തിച്ചെങ്കിലും ജീവന് രക്ഷിക്കാനായില്ല. സഹോദരന് ദേവജ്. സംസ്കാരം വീട്ടുവളപ്പില് നടന്നു.
