തിരുവനന്തപുരം : കേരളത്തിലെ കള്ള് ഷാപ്പുകള്‍ നാളെ മുതല്‍ തുറക്കും. ഇത് സംബന്ധിച്ച്‌ സര്‍ക്കാര്‍ ഉത്തരവിറക്കി. കൊവിഡ് പ്രതിരോധത്തിന്റെ ഭാഗമായി ഏര്‍പ്പെടുത്തിയ നിയന്ത്രണങ്ങള്‍ പാലിച്ചായിരിക്കണം ഷാപ്പുകള്‍ തുറക്കേണ്ടത്. രാവിലെ 9 മുതല്‍ രാത്രി ഏഴു വരെയായിരിക്കും ഷാപ്പുകളുടെ പ്രവര്‍ത്തന സമയം. ഷാപ്പുകളില്‍ ഇരുന്നു കുടിക്കാന്‍ അനുവദിക്കില്ലെന്ന് മാ൪ഗ നിര്‍ദേശത്തില്‍ വ്യക്തമായി പറയുന്നുണ്ട്. ഒരാള്‍ക്ക് ഒന്നര ലിറ്റര്‍ വരെ കള്ള് കൊടുക്കാന്‍ പാടുള്ളു. കുപ്പിയോ പാത്രവുമായോ എത്തുന്നവ൪ക്ക് കള്ള് വീട്ടില്‍ കൊണ്ടുപോകാം. ചില കള്ളുഷാപ്പുകളില്‍ നിന്ന് കുപ്പിയില്‍ നല്‍കും.
