ദില്ലി: നാല് വയസ്സുകാരന് മിഠായി തൊണ്ടയില് കുടുങ്ങി മരിച്ചു. മിഠായി കുടുങ്ങിയതിന് പിന്നാലെ ശ്വാസം മുട്ടിയാണ് കുട്ടി മരിക്കുന്നത്. കുട്ടിയെ ഉടന് തന്നെ ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല. സനിയാല് എന്ന 4 വയസ്സുള്ള ആണ്കുട്ടിയാണ് മരിച്ചത്. ഉത്തര്പ്രദേശിലെ ഗ്രേറ്റര് നോയിഡയിലാണ് സംഭവം.
മുത്തശ്ശനില് നിന്നും വഴക്കിട്ട് വാങ്ങിയ പണം കൊണ്ടാണ് കുട്ടി മിഠായി വാങ്ങിക്കുന്നത്. വീട്ടിലെത്തിയ സനിയാല് മിഠായി കഴിച്ചപ്പോള് അത് കുടുങ്ങി. ഇതോടെ ശ്വാസതടസ്സം അനുഭവപ്പെട്ടു. കുട്ടിയുടെ നില വഷളാകുന്നത് കണ്ട് രക്ഷിതാക്കള് ഉടന് തന്നെ ആശുപത്രിയില് എത്തിച്ചു. എന്നാല് ചികിത്സയ്ക്കിടെ കുട്ടി മരിച്ചു. മാതാപിതാക്കളുടെ ഏകമകനായിരുന്നു സനിയാല്.