തിരുവനന്തപുരം : പിഎസ്സി നാളെ നടത്തുന്ന ക്ലാർക്ക് ടൈപ്പിസ്റ്റ്/ടൈപ്പിസ്റ്റ് ക്ലാർക്ക് പരീക്ഷയുടെ സമയക്രമം ഉച്ചയ്ക്ക് 1.30 മുതൽ 3.15 വരെ എന്നതു മാറ്റി ഉച്ചയ്ക്ക് 2.30 മുതൽ 4.15 വരെയാക്കി. ഫാമിങ് കോർപറേഷനിൽ ഡ്രൈവർ ഗ്രേഡ് 2/ട്രാക്ടർ ഡ്രൈവർ തസ്തികയുടെ വിജ്ഞാപനത്തിന് 28ലെ അസാധാരണ ഗസറ്റിൽ തിരുത്തൽ വിജ്ഞാപനം പ്രസിദ്ധപ്പെടുത്തി.
യോഗ്യതയുള്ളവർക്ക് ജനുവരി 17ന് അർധരാത്രി വരെ അപേക്ഷിക്കാനുള്ള സൗകര്യം പ്രൊഫൈലിൽ ഏർപ്പെടുത്തി. ഐഎഎസ്, ഐപിഎസ്, ഐഎഫ്എസ് ജൂനിയർ മെംബർമാർക്കുള്ള വകുപ്പുതല പരീക്ഷയുടെ വിജ്ഞാപനം പ്രസിദ്ധീകരിച്ചു. അപേക്ഷ ജനുവരി 27നു രാത്രി 12 വരെ.
