പള്ളുരുത്തി: കൊച്ചി നിയമസഭ മണ്ഡലം യു.ഡി.എഫ് സ്ഥാനാര്ഥി ടോണി ചമ്മണി കോവിഡ് ബാധിച്ച് ചികിത്സയില് ആയതിനെ തുടര്ന്ന് അവസാനഘട്ട പ്രചാരണ പരിപാടികള് ഹൈബി ഈഡന് എം.പി ഏറ്റെടുത്തു. ഇതിന്റെ ഭാഗമായി രാവിലെ കുമ്പളങ്ങി അഴീക്കകം പ്രദേശത്ത് ഭവന സന്ദര്ശനം നടത്തിയാണ് ഹൈബി ഈഡന് തുടക്കം കുറിച്ചത്.
അദ്ദേഹത്തോടൊപ്പം ബ്ലോക്ക് പ്രസിഡന്റ് ഷാജി കുറുപ്പശ്ശേരി, തെരഞ്ഞെടുപ്പ് കമ്മിറ്റി ചെയര്മാന് നെല്സണ് കോച്ചേരി, കണ്വീനര് പി.ജെ. ആന്റണി എന്നിവരും ഉണ്ടായിരുന്നു. വൈകീട്ട് ചെല്ലാനം സെന്റ് ജോര്ജ് പള്ളി പരിസരത്തെ ഭവനങ്ങളില് ഹൈബി ഈഡന് പ്രവര്ത്തകരോടൊപ്പം സന്ദര്ശനം നടത്തി.
തുടര്ന്ന് ചെല്ലാനം തെക്കേ അറ്റം മുതല് കണ്ണമാലിവരെ റോഡ് ഷോ നടത്തി. പ്രവാസി കോണ്ഗ്രസ് കൊച്ചി നിയോജക മണ്ഡലം കമ്മിറ്റി സംഘടിപ്പിച്ച വാഹന പ്രചാരണ ജാഥ പ്രഫ. കെ.വി. തോമസ് ഉദ്ഘാടനം ചെയ്തു.