പത്തനംതിട്ട : തദ്ദേശ സ്വയംഭരണ വകുപ്പും പോലീസും സംയുക്തമായി നടപ്പാക്കുന്ന ‘തൂഫാന് 2.0’ പദ്ധതിയുടെ പത്തനംതിട്ട ജില്ല പഞ്ചായത്തുതല സമ്മേളനം ആന്റോ ആന്റണി എം.പി. ഉദ്ഘാടനം ചെയ്തു. തൂഫാന് പ്രതിജ്ഞ ചൊല്ലിക്കൊടുത്ത അദ്ദേഹം തൂഫാന് വാരിയേഴ്സിന് ബാഡ്ജ് വിതരണവും നിര്വഹിച്ചു. യോഗത്തില് അധ്യക്ഷത വഹിച്ച ജില്ല പഞ്ചായത്ത് പ്രസിഡന്റ് ദീനാമ്മ റോയി തൂഫാന് ഫ്ളാഗ് ഉയര്ത്തി. ജില്ല പഞ്ചായത്ത് വൈസ് പ്രസിഡന്റ് അനീഷ് വരിക്കണ്ണാമല സ്വാഗതം ആശംസിച്ചു. ഡി.വൈ.എസ്.പി. ആര്.ജയലാല് തൂഫാന് പ്രവര്ത്തന റിപ്പോര്ട്ട് അവതരിപ്പിക്കുകയും ബോധവല്ക്കരണ ക്ലാസ് നയിക്കുകയും ചെയ്തു.
ക്ഷേമകാര്യ സ്ഥിരം സമിതി ചെയര്പേഴ്സണ് ജൂലി സാബു, തദ്ദേശ സ്വയംഭരണ വകുപ്പ് ജില്ല ജോയിന്റ് ഡയറക്ടര് സയൂജ്യ, ജില്ല പഞ്ചായത്ത് സെക്രട്ടറി ജി.ഹരികൃഷ്ണന്, ജനപ്രതിനിധികള്, ഉദ്യോഗസ്ഥര്, സന്നദ്ധ സംഘടന പ്രതിനിധികള്, എസ്.പി.സി., എന്.സി.സി. കേഡറ്റുകള് തുടങ്ങിയവര് പങ്കെടുത്തു. മലപ്പുറം എ.ആര്.നഗര് ഗ്രാമപഞ്ചായത്തില് നടന്ന സംസ്ഥാനതല തൂഫാന് 2.0 പദ്ധതിയുടെ ലൈവ് സ്ട്രീമിംഗ് യോഗത്തില് പ്രദര്ശിപ്പിച്ചു.
