പത്തനംതിട്ട : തദ്ദേശ സ്വയംഭരണ സ്ഥാപനങ്ങളിലെ കെട്ടിടങ്ങളിൽ വ്യാപാരം ചെയ്യുന്ന കച്ചവടക്കാരുടെ പ്രശ്നങ്ങൾ മനസ്സിലാക്കി ലോക് ഡൗൺ കാലയളവിലെ 6 മാസത്തെ വാടക കുറവ് ചെയ്യാനുള്ള എൽ ഡി എഫ് നഗരസഭ കൗൺസിലിന്റെ തീരുമാനം സ്വാഗതാർഹമാണെന്ന് വ്യാപാരി വ്യവസായി സമിതി പത്തനംതിട്ട ഏരിയാ കമ്മിറ്റി. വ്യാപാര മാന്ദ്യം തുടരുന്ന സാഹചര്യത്തിൽ നഗരസഭയുടെ നടപടി വ്യാപാരികൾക്ക് ഏറെ ആശ്വാസം ലഭിക്കുന്നു. കുടിശ്ശിക ഇല്ലാതെ വാടക തീർത്ത് അടക്കുന്നവർക്ക് ഈ ആനുകൂല്യം ലഭിക്കും. കൂടാതെ കെട്ടിട നികുതി ഇനത്തിൽ കുടിശ്ശിക വരുത്തിയവരിൽ നിന്നും ഈടാക്കിയിരുന്ന പിഴ പലിശ ഒഴിവാക്കിയിട്ടുള്ളത് പ്രയോജനപ്പെടുത്താൻ ശ്രദ്ധിക്കുക , വ്യാപാരി വ്യവസായി സമിതി ലോക് ഡൗൺ കാലത്തെ വാടക ഇളവ് അനുവദിക്കണം എന്ന് ആവശ്യപ്പെട്ട് പത്തനംതിട്ട നഗരസഭ ചെയർമാന് നിവേദനം നൽകിയിരുന്നു. സമിതി പത്തനംതിട്ട ഏരിയാ പ്രസിഡന്റ് ജയപ്രകാശിന്റെ ആധ്യക്ഷതയിൽ ചേർന്ന യോഗം സെക്രട്ടറി ഗീവർഗ്ഗീസ് പാപ്പി, ജില്ലാ വൈസ് പ്രസിഡന്റ് അബൂൽ റഹീം മാക്കാർ, യൂണിറ്റ് സെക്രട്ടറി ബാബു മേപ്രത്ത്, ഹസീബ് ഫാന്റസി, ഷൈജു കിഞ്ചൽ, കോയാ മോൻ, അബ്ദുൽ റഷീദ്, ജയ്സൺ തുടങ്ങിയവർ സംസാരിച്ചു.
