കോന്നി : ഇക്കഴിഞ്ഞ ഒന്‍പതാം തീയതി പയ്യനാമണ്‍ പത്തലുകുത്തിയില്‍ തെക്കിനേത്ത് വീട്ടില്‍ സോണി തന്റെ ഭാര്യയെയും വളര്‍ത്തുമകനെയും കൊലപെടുത്തിയ ശേഷം ആത്മഹത്യ ചെയ്ത ദാരുണ സംഭവത്തിന്റെ പോസ്റ്റുമോര്‍ട്ടം റിപ്പോര്‍ട്ട് ലഭിച്ചു. കോട്ടയം മെഡിക്കല്‍ കോളേജില്‍ നടന്ന പോസ്റ്റ്മോമോര്‍ട്ടം റിപ്പോര്‍ട്ടിന്റെ ഫലം അന്വേഷണ സംഘത്തിന് കൈമാറി.
സോണി ഭാര്യ റീനയെ വളര്‍ത്തുമകന്‍ റയാനെയും മൂര്‍ച്ചയേറിയ ആയുധംകൊണ്ട് ആഴത്തില്‍ കഴുത്തില്‍ കുത്തി മുറിവേല്‍പ്പിച്ചതാണ് മരണകാരണമെന്ന് പോസ്റ്റുമോര്‍ട്ടം റിപ്പോര്‍ട്ടില്‍ പറയുന്നു. കോന്നി സി ഐ അരുണ്‍കുമാര്‍, എസ് ഐ സാജു എന്നിവരുടെ നേതൃത്വത്തിലാണ് ഇന്‍ക്വസ്റ്റ് ഉള്‍പ്പെടെയുള്ള നടപടികള്‍ പൂര്‍ത്തിയാക്കിയത്. സോണി വിഷാദ രോഗത്തിന് ചികിത്സയിലായിരുന്നു എന്ന് പറയുന്നു. സാമ്പത്തിക ബാധ്യതയാണ് സംഭവിത്തിന് പിന്നിലെന്ന് പറയുമ്പോഴും കാര്യമായ സാമ്പത്തിക ബാധ്യതകള്‍ ഇല്ലെന്നാണ് അന്വേഷണത്തില്‍ തെളിയുന്നത്.
